今日 10:42
噚日無揀到貨出嚟，因為見指數行得最活躍嘅時段都已經過咗，唔代表之後唔可以出倉，只不過係出倉就等同於被困，咁出嚟做乜呢?!尤其是下半場，2點零打後到3點都只係得30點上落，以前就話有條繩揈吓揈吓就可以催眠啫，依家橫行一行唔郁都催得到。
望望月曆，哦~ 今個星期五(28日)就係期結日，怪不得有種準備埋數嘅感覺啦，睇返自己今個月嘅【月度報告】表現，比往月嘅都真係低，唯一安慰嘅係都仲有正數。
連跌兩日之後，恒指今朝比返盞綠燈出嚟，喺作戰室裏面如常的順勢而行，及至依家9點57分，好倉第一注正數應該都有人收隊。
「點解唔再hold落去呀? 指數都仲保持到上行個走勢...」只係因為喺小時圖上見到上到去同前日個開市裂口底aka 前日嘅開市價25780點後，指數自己都要諗一諗到底過定唔過好。
小時圖上見到一個未去到教科書級別嘅「塔形底」(有兩個位係要扣分嘅)，呢個圖形唔係常見(比頭肩x嘅更少)，雖然佢係一個利好嘅形態，但係扣咗分之下頸線位又咁硬...出好倉借呢個圖形嚟再追上嘅話，比較安全嘅都係返番去借五分鐘圖啲線位嚟做。
依家10點15分，五分鐘圖上開始見到指數同Slow STC(14.3)出觸頂向下，而指數擺位亦同10線相遇。
作戰室依家都係等緊指數企唔企於線上，繼而再出倉做第二注。比住隻恒指牛(59773)先，收回價25368點，同現價有約400點距離，槓桿有約50.5倍，為附近收回價中最高，因為呢期啲點數幅度比較細，唯有用高少少槓桿搭夠。
安全嘅用返Slow STC(14.3)觸底上而出動玩開㗎啦；進取嘅10線企得住而出嘅，作戰室做緊啦！
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
Patreon新出為期四篇嘅《短期課程》已經全數上載啦，文章教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
