今日 10:44
噚日揀咗隻恒指牛，但由於未見指數企得穩喺小時圖10線之上，所以呢一注都係出唔到倉。
莫講話借小時圖未捉到方向，連下半場用五分鐘圖都難捉方向...一直都知道下半場係悶㗎啦，但吽到下半場五分鐘圖嘅保歷加高度得68點...坦白講位唔夠/未捉到方向根本無必要出倉，我真係寧願繼續用paper trade玩住先，到真係有位先至再出場。
唔止喺作戰室，喺呢度近期都唔係好捉到方向，而唔符合出倉條件嘅一律唔做唯一嘅好處係唔會見負數(當然亦都無正數啦)；希望放完個weekend假期會好啲啦。
今朝見恒指開升返上去，日線圖都見有條100線接住指數，作戰室今朝都唔多考慮先Plan定出好倉。及至開市後還好指數喺五分鐘圖第一粒燭先比咗條上影線出嚟之後，有位搶到好倉，再借技術指標先爬得第一注格仔。
呢一注其實都有計劃過借埋個小時圖出嚟做好倉上㗎，因為見指數今朝開市口價擺位已經上返10/150線位，最緊要嘅係小時圖Slow STC(14.3)觸底上咗；依家仲有8分鐘先至10點，指數有似守得住喺25400樓上，同埋保歷加通道口收窄同時亦都有向努力幫手將通道扭返橫向，所以作戰室呢注好倉有戰友選擇做風箏策略。
10點後有見指數於小時圖上確認企得到中軸線之上，向上望埋條保歷加頂線約25584點的話，咁即係代表指數反方向上返去熊證街貨層。
「終於識升下(*´▽'*)」作戰室有戰友講到，係Lu。恒指牛(67746)，收回價25038點，同現價有約440點距離，槓桿約54.09倍，低街貨亦都係賣點之一，博借得到小時圖中軸線企住上到保歷加頂線做埋嗰半層保歷加Swing上去囉。
要小心嘅係依家10點12分，五分鐘圖上有見指數定住喺2548x點呢個位等下方10線上嚟咁款，同步保歷加通道都開始呈現返橫行走勢，咁所以指數同Slow STC(14.3)都會有可能出現返Swing Trade情況。但只要指數借得穩最近嘅平均線嚟連同保歷加頂線夾住向上走嘅話，反而當指數企線時，就係出Day Trade好倉嘅時機。
作者阿珊，以技術分析玩輪證，唔貪心，努力賺取我家肥貓罐罐( Φ ω Φ )。
8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
