今日 10:30
噚日繼續都係出淡倉，揀咗隻恒指熊(68723)出嚟，但呢隻注貨係計劃借日線圖嘅26000前出「穿腳破腳」同低走埋20天線而出，所以喺文末都講明可以稍等五分鐘圖/小時圖見到指數上返去一個高少少嘅位先至出動。
如果用五分鐘圖計嘅話，咁喺下半場1點55分見Slow STC(14.3)上到超買位，借呢個位嚟出淡倉嘅話可以嘅，反正如果最後唔選擇過夜嘅話，以(68723)都有廿幾倍槓桿，Day Trade都OK嘅。
按策略將注貨帶過夜嘅話，今朝有見指數再低開多150幾點，開到落去252呢個位，咁啱將第一層牛證全數收回嘅同時，亦都踩到牛證嘅第一層街貨。呢個開市價+恒指呢個擺位，的確擺到一幅順U盤+街貨方向出淡倉；但另一邊睇五分鐘同小時圖嘅技術分析擺位同指數下行方向唔對，所以今朝喺作戰室諗咗一陣，Mark定埋低開高走嘅可能，變成第一注係反手好倉出動。
依家10點11分，恒指一度轉燈，不過唔係好企得穩；小時圖亦都有見到Slow STC(14.3)兩線觸底上，但10線同時間見阻力頂住指數；再比多一個齊點數位嘅25400點來來回回，咬得仲爛過我家肥貓玩嗰塊爪爪板。
過夜注(68723)仲有在手，呢注就借好日線圖嘅20線做上方量度線；數夠位唔想再過夜而清都可以，自己注自己話事。
至於即日嘅話，留意住小時圖10線位做唔做到阻力，如果要疊加Slow STC(14.3)重新向下嘅話，咁可能要11點先至睇得到，呢注Day Trade可以揀返貼價少少嘅證如恒指熊(56989)，收回價25850點，同現價有約430點距離，槓桿約50.8倍，同一收回價中 屬低街貨及成交活躍。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
