今日 11:26
噚日揀咗隻恒指熊(59359)，喺10點30分，即Patreon出文後15分鐘，已經見到指數向下穿過25900點呢個位。過到線出隻(59359)，再用返逐線逐線向下打為原則的話，於4點35分已經見指數喺五分鐘圖打埋最後一條嘅250線，(59359)完成任務有凸；即使喺稍後時間見指數同Slow STC(14.3)出觸底重上過10線後先走隻(59359)，呢注Day Trade都係難得嘅由朝玩到晏。
噚日臨收市前喺日線圖上見到指數出咗「穿頭破腳」，同步10/250天線亦都得而復失，所以揀定隻淡倉嚟過夜，諗住今朝食個低開裂口之後，指數有可能見即日抽，但抽得嗰一陣之後，指數向下再穿多次25400點，過夜淡倉先清嚟收今日第一注正數之餘，有見指數誓要向下再殺牛證街貨咁嘅款，所以即日淡倉都有再開出。
唯到依家9點58分，指數最低見過25331點之後，開始回返上25400前徘徊，淡倉在手都留意住10點後小時圖Slow STC(14.3)兩線應該確認落到得到超賣，係爭在保歷加通道口拓唔拓闊啫。
而日線圖方面，整條保歷加通道有似由之前整條向上變成於高位橫行，Slow STC(14.3)兩線早已經出咗觸頂向下，今日擺位叫做喺中軸線以下位置，比埋噚日嘅高位「穿頭破腳」，成個樣又係可以用日線圖嚟出淡倉咁款。
用得日線圖去做Trade嘅話，咁熊證就梗係揀到遠一遠㗎啦，恒指熊(68723)，收回價26200點，同現價有約822點距離，槓桿有約28.5倍，低街貨好緊要㗎，一陣要走貨但人多起上嚟，先唔開有無人擘價，排隊都排死啦。
但出貨位要等一等，因為依家(10點10分)見小時圖同五分鐘圖嘅Slow STC(14.3)都落到超賣位，應該之後有機會抽上去，搵個靚少少嘅位先至入啦；但怕且你已經一早企咗喺熊證堆。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
