今日 10:57
噚日揀咗隻恒指牛(69451)出嚟，大方向先用小時圖嘅10/20線作為下方量度線；再借五分鐘圖Slow STC(14.3)做Swing Trade。
呢一注做到嘅，仲要喺最近兩個小時裡面見到五分鐘圖嘅Slow STC(14.3)兩次上到超買位，(69451)邊一個位走都得，所以喺【月度報告】會將兩個走貨位都計晒出嚟，再拉個平均數嚟入賬。
踏入8月，港股都開始進入業績期，一陣中午12點有滙控(00005)公布業績，市場普遍都係睇返佢啲利息收入同減息周期能唔能夠對抗得到之餘，就係派息政策有無變到，始終呢隻嘢都係收息族嘅首選。
依家10點11分，恒指今日雖然高開，但作戰室喺Plan定出好倉追嘅同時，比多一項條件係留意住指數有無出高開低走，確認無嘅話先至出好倉追，多得佢喺今朝開市後首五分鐘已經見到高開低走，仲喺五分鐘圖出埋上影線，所以集體變陣反手以淡倉作為第一注。但嚟到10點後指數開始喺259附近徘徊，方向未明之下，唯有睇住隻象先。
小時圖上見股價呢兩三日上到168.x元之後見止步，畫到條頂線都真係幾硬，今日暫時高位見到168.8元，又喺呢啲位又見停。至於下方10線支持力都唔弱，變相依家股價困咗喺10線同頂線之間...少少似出「平頂三角形」啦。
而換保歷加通道見的話，整條係保持向上，咁即係佢都係比咗個條件出嚟可以行Swing Trade，先睇股價用保歷加頂同10線夾住嚟行先。
日線圖上見到隻滙控都真係係咁推個新高出，睇住下方10天線位164元我都有啲驚。咬緊啲用返小時圖20線做下方量度線算啦。
滙豐牛(62382)，收回價150元，企遠啲安全啲，槓桿都有約9.05倍，係要小心啲街貨啫。
前題一定要股價企得住喺小時圖10線先好；績後出當然穩陣啦；而呢隻牛用嚟做返五分鐘圖Slow STC(14.3)啲Swing Trade嘅話，佢槓桿都夠做嘅。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
8月1日起一連四個星期六喺Patreon有個《短期課程》，教你最基本嘅技術分析同點樣拉線畫圖，學識自己睇走勢圖，幫自己搵支持/阻力/買入/賣出位，詳情請往Patreon搜尋「cbbcwar」。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
