今日 10:26
尋日揀咗隻恒指牛(61821)，目標如大題所指，拎返條100天線出嚟做上方位，指數上到不得止，仲要過埋，我同家肥貓一樣，都係叻豬！但叻還叻，策略還策略，到目標後都應先收正數；條100線頂咗咁耐依家無理頭破位都唔知企唔企得穩。
呢一注喺呢度計都有格仔爬得到，正數收隊OK啦；但始終都係作戰室一開市追出/前日已經擺定好倉過夜舊肉大好多。
噚日指數雖然好醒神，但最終都仲未敵得過條100天線，所以噚日又係臨收市前10分鐘揀咗隻恒指熊出嚟，今朝起身見隔晚美股跌500幾點，再到港股開市跌200幾點，齋食呢個裂口都夠飽。
當然都要顧及一下無出到過夜注嘅戰友嘅，所以今朝都係Plan好咗啲1234Check List策略，依家10點11分，主要做Day Trade嗰幾項都已經達標，剩底嘅就係貪心位嚟嘅，戰友們有無再做我唔知，我只知道今朝首半個鐘嘅Day Trade注都完成埋，我又可以功成身退。
喺作戰室最後一個Day Trade嘅Check List就係睇指數落到小時圖50線，10點後佢落得到，至於之後仲揸唔揸住隻熊仔，就要睇條50線仲接唔接得住指數。
恒指熊(62353)，收回價25318點，比日線圖100線為高，槓桿有約53倍，為附近收回價中高槓桿、低街貨。但出倉前題要指數向下穿得到小時圖50線先至可以；如果唔係248呢個位其實都開始有啲支持出現。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
