今日 10:52

輪證贏家丨拎返條100天線出嚟先

尋日揀咗隻恒指熊，繼續都係做Day Trade嘅Swing Trade，但今次係用小時圖嘅Slow STC(14.3)博追到落去超賣位，皆因五分鐘圖做Swing Trade難度太高啦！唯一出倉條件係指數要低走於小時圖中軸。

日內指數如常的行得慢、無波幅、悶死人，所以噚日又喺作戰室裏面臨收市前揀貨過夜，不過噚日揀出嚟嘅係隻恒指好倉，自己都驚驚地㗎，單靠小時圖Slow STC(14.3)觸底+落到小時圖嘅「上升通道」，呢兩個位咋，指數噚日都仲企近下方牛證街貨層，你知啦，技術分析 VS 街貨，前者贏嘅機會都真係比較少。

還好今朝指數開市升73點後，一度轉燈但五分鐘圖嘅10/50線接返住條恒指再重新抽上，連同今朝作戰室Day Trade開市後出嘅好倉，10點前已經全清/出咗風箏策略，又係半個鐘左右做完一趟Trade之後，大家都已經變身做返打工仔。

10點後都已經見到五分鐘圖整條保歷加呈上，作戰室仲有好倉注在手嘅，都係輕裝上陣，皆因喺小時圖25130點已經畫到頂線，同之前一直lock住嘅25157點位都只係爭27點。

依家已經10點38分，知道已經上過咗上面mark住嘅頂線，無計作戰室係first priority的，線已過，可以拎返拎100天線(25220點)出嚟㗎啦！

呢個位過得到嘅話，咁恒指牛(61821)，行使價24695點，同現價有近400點距離，槓桿有約48.2倍，適合Day Trade用。

作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。

想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。

資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。