昨日 10:36
上個星期五揀咗隻恒指Put(13054)出嚟，出得Put就梗係因為見到日線圖都開始出轉勢訊號啦，而係文末都有寫明啲出貨位嘅，還好喺Patren出文後都見符合得到出倉條件，再加上恒指喺上個星期五一度跌逾600點，由近熊向下落返去牛證第一層，雖然未有咁痴線全層掃咗佢，但如果以返做Day Trade方法計嘅話，呢一注Put即日平均都有8.25%賺幅。
世界盃曲終仿散，英格蘭今年攞唔到冠軍唔緊要，阿根廷輸波就得啦。
今朝指數高開升272點，喺作戰室Plan定出好倉，皆因為見小時圖Slow STC(14.3)觸底上 + 小時圖「上升通道」仍然守住 + 小時圖50線 + 日線圖都有條「上升通道」仍然守住，睇嚟借日線圖嘅Slow STC(14.3)觸頂向下 + 100線見阻力嘅淡倉，真係上個星期五一支燭做晒。
依家只係開咗市14分鐘，指數已經爬到上25000點，而今朝開市後出嘅好倉，喺作戰室裏面都先出風箏策略，留返部份繼續再追上。
10點後見指數已經企住喺251樓上都ok穩，作戰室注好倉應該都無乜大問題，再追嘅或者出咗風箏策略嘅，都已經可以輕鬆行去斟杯茶。
如果呢個位再去好倉嘅話，唔係唔得，皆因喺小時圖「上升通道」上面曾經僭健過一條小型「上升通道」，當然前題係要上破得到「上升通道」嘅頂線先啦。
依家10點13分，喺作戰室嘅好倉都收得八八九九，一係得返一小注風箏注在手，Lock住五分鐘圖嘅10線做下方量度線；一係清晒等觸頂向下出淡倉，做返一趟普通嘅Swing Trade。
以依家出文再睇完文即應該10點半到啦，指數應該開始愈行愈慢，Swing Trade博有條件出返嚟嘅話，咁應該先去隻恒指熊(53747)，收回價25399點，同現價有約318點距離，萬一向上壓到252都識走啦，槓桿有約69.7倍就知只係做Day Trade嘅Swing啦。
依家都10點21分啦，留意住五分鐘圖10線啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
上一篇：輪證贏家丨升咗半個月夠皮未?!
