今日 10:39
噚日揀咗隻恒指牛出嚟，見指數爬得返上25000點嘛，又企埋上50天線，不過如果做即市嘅話，五分鐘圖嘅Slow STC(14.3)又實在太高啦，等佢落返去超賣位先至出，做返一趟平時做開嘅swing trade，估唔到呢一等就到等2點幾先至見到，但可惜下半場時間往往波幅都係比較細，佢出得到個走勢但波幅唔夠，就算正數但計返手續費都係打個和。
坦白講呢一兩日我都算係黑仔，繼噚日係作戰室負數之後，今朝見指數繼續企住喺25000點樓上就Plan出好倉，一掟個Plan喺作戰室度就即刻喺五分鐘圖出咗條上影線出嚟，再三提醒大家我近期黑仔之下，戰友們亦醒水同我做相反，又係10點未夠已經收晒正數，皆因指數剛好落到50天線水平，所以先收正數再返番埋去佢哋將寫字枱度工作算啦。
10點後確認到指數向下低走於小時圖10線，有戰友未駛咁快工作住就繼續hold住注貨，齊齊望住小時圖嘅20線做下方目標。
依家10點13分，指數有似再往下走，依家指數跌269點，報24739點，50天線失守+Slow STC(14.3)%K線數值低走於%D線，值得出淡倉。
恒指Put(13054)，行使價24000點，同現價有約價外3.2%，槓桿有約9.04倍，今年11月27日到期屬中期輪，用佢嚟出倉就當然換上日線圖去做啦，但比兩個出倉條件：1.3點45分時再睇吓50天線係咪確認低走得到；2.小時圖20線穿得到嘅話，咁即係7月頭到依家小時圖「上升通道」嘅形態拜拜，齋追小時圖Slow STC(14.3)兩線向下都有得玩。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。版權所有。
