今日 10:30
噚日揀咗隻恒指牛，諗住再追重貨熊方向 + 喺小時圖上畫咗條新嘅「上升通道」出嚟，試吓行唔行得到。
最後當然失敗啦，先以Patreon出文後用10分鐘睇完文，見指數於五分鐘圖上Slow STC(14.3)已經喺超買位出咗觸頂向下，唔係一個出好倉嘅位；即使喺Slow STC(14.3)超賣時入隻牛證，去到下半場連中軸都過唔到，做Swing Trade都要敗走。
「24000點都收得返，升得好地地咁...又話七翻身嘅?!」7月未完，翻唔翻身都無人知。按住依家已有嘅技術分析嚟睇，日線圖嘅「下降通道」係破咗位，再畫多一條之前做過嚟做底線(大約2438至2440)，成個圖會更加明點解呢兩三日會好似行人止步咁。
公道啲，之前指數喺「下降通道」時，中間都有陽燭出現過，亦都有短暫嘅上行走勢嘅，咁所以如果真係七要翻身嘅話，中間出現陰燭或者短暫嘅下行亦都理解一下啦。
望望鐘依家10點8分，指數於初段時間Chok上Chok落100點之後，終於都有方向，而作戰室都係按返開市前定下嘅Plan嚟出好倉，Set定三個Point作為目標嘅Check Point，依家都已經做咗兩個。
再嚟到依家10點14分，恒指有見再挑戰多一次之前Mark住嘅日線圖頂線位。
嗱，博指數挑戰嗰條頂線成功嘅話，以目前日線圖嘅保歷加頂線同Slow STC(14.3)兩線嘅擺位，都仲有少少位可以再爭取上去；更何況喺24400至24499點有層重貨熊喺度。
恒指Call(25916)，行使價25000點，同現價有約3.12價外距離，5%以內嘅都可以稱為輕微價外㗎啦，槓桿有約10.2倍，今年年底先至期，換股比率6800，敏感度高，引伸亦低，唯一要小心嘅係街貨，暫時有16.94%唔算過份但亦都留意。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
