今日 10:19
噚日揀咗隻恒指Put(27923)出嚟，係借噚日上半場指數上到日線圖20天線(2380x點)時見企唔穩就出動，捉返日線圖上嘅「下降通道」呢個位嚟玩觸頂嘅Swing。
喺噚日Patreon出完文後，如常用10分鐘作為睇貨時間，再睇返個走勢圖見指數上到高位23820點後，於五分鐘圖上出咗個「射擊之星」，連個五分鐘圖都出呢個係轉勢去淡嘅訊號，同步作戰室都由嗰粒星星開始出淡倉。
基於喺呢度通常都係唔過夜嘅，所以都係同作戰室一樣喺完場前清貨；喺呢度計如常的用10分鐘作為走貨時間嘅話，咁呢一注平均都有10%正數收返。
唔過夜純綷係個人習慣，因為唔鍾意嗰種「有貨在手囉囉攣」嗰種感覺(可能你無啦)；當然有辣有唔辣啦，開市裂口一定無我份，但裂口又唔一定中㗎喎。
好似今朝咁，以為20天線頂得住班好友，但今日甫開市五分鐘圖支燭大到你唔信，10點未到見五分鐘圖比咗兩粒「十字星」出嚟但都有力再向上高走到239先至停，還好作戰室今朝未正式開市之前已經Plan定追好倉，成日都話GP裏面嘅戰友唔一定做輪證，用期用權甚麼都可以，反正大家都係睇住同一條恒指之嘛。
10點後見小時圖支「大陽燭」都唔惹少，一下子將指數擺位推高過100線之餘，仲頂返住條「上升通道」嘅頂線。
如果，小時圖上指數繼續順返住Slow STC(14.3)往超買方向上行，同時準備同24000點嘅淡友開戰，搶24000至24099點嘅重熊嘅話，咁係要出好倉嘅；話分兩頭，依家10點6分見啲技術指標擺位都搶到上天花，作戰室啲好倉注都開始先收正數/出風箏策略，即到你睇完文之後，應該會進入一個世界。
就係五分鐘圖嘅保歷加通道將會整條向上而指數同Slow STC(14.3)將會出Swing Trade走勢。
所以，恒指牛(54152)，收回價23416點，同現價有約490點距離，槓桿有約41.9倍，為市場上最貼價及槓桿最高嘅牛證之一。見指數於五分鐘圖有10/20線接住，甚至有耐性/咁啱見到Slow STC(14.3)做到觸底上行嘅Swing Trade的話，先至出動啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油滙幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Books Store上架，可免費試閱。
