今日 10:32
噚日揀咗隻恒指Put(26469)出嚟，揀Put唔揀熊係因為最近嘅熊都有成900幾點距離，得2x倍，證價同輕微價外嘅輪證都相差無幾。
即使喺日線圖上見指出一浪低於一浪嘅走勢，終於都要觸底上，但(24649)因為係輕微價外，所以即使用五分鐘圖Slow STC(14.3)觸頂向下走一趟，分分鐘都以捉得到由價外變價內，發揮到佢最後嘅爆發力(時間值+內含價值)。
還記得上星期有揀過好倉出嚟，諗住日線圖上見指數都差唔多落到「下降通道」底線，即使整個向下運行嘅走勢未變，但以一浪低於一浪形態計算，都總算叫做有得觸到底線博上行Swing Trade做到。
不過捉轉角都真係好難，噚日指數向下再落，低位十字星出埋嚟之後，今日終於都見到指數係開盞綠燈出嚟，開市口價仲見上返去23800點添；再望望五分鐘圖同小時圖嘅Slow STC(14.3)，以為今日可以順返呢兩個訊號出好倉，但點知指數今朝首半個鐘係度玩燈掣，激死！
仲有3分鐘就10點，五分鐘圖上見指數雖然玩燈掣，但暫時見都係處於中軸線以下水平，保歷加保持橫行又Slow STC(14.3)兩線上到中軸位未見方向，唯有等小時圖，睇吓條10線仲守唔守得住。
終於等到10點，見指數確認低走於小時圖10線，恒指熊(61097)，收回價24313點，同現價有約560點距離，槓桿有約37.7倍，為市場上最貼價熊之中最高槓桿，今日新上市所以未有街貨。
睇返今日牛熊證街貨圖，第一層牛見23400至23499點，唔好諗咁遠住，先用啲齊點數位即23600點、23500點做一做個分隔先，都有見到嘅話，先再拎埋噚日小時圖嘅平底線23488點做下方目標，有得穿埋嘅先再拎個牛熊證街貨圖出嚟，睇住啲街貨打啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
