今日 10:23
噚日揀咗隻恒指熊(56699)出嚟，文末mark住如果到你睇完文之後，見指數於小時圖上穿得過條中軸線嘅話就出場，向下望住上個星期五(6月12日)嘅裂口頂部24445點左右；或者Slow STC(14.3)見超賣位亦可；最後再睇保歷加底線；甚至睇住牛證街貨嚟向下打落去啦。
喺下半場開市後，有見指數往上文提到嘅裂口方向出發，及至大約1點半左右已經到步，再守到2點後已經見埋小時圖嘅Slow STC(14.3)兩線到超賣位，再到2點半鬆啲指數將第二層牛證即24400至24499點全數收回。
Set咗四個目標有三個都達標，唔過夜計呢一注臨完場前清貨嚟講平均都有12.3%正數；望望月曆今個月都過咗一半有多，但暫時睇返個【月度報告】，今個月都真係爬格仔嘅多。
喺作戰室裏面爬嘅格仔應該會再多少少，再加埋Patreon嘅【本股焦點個股】呢個月都還有數達標，今個月都唔太差嘅(希望...應該...)
而今朝指數微升1點開市，所以作戰室都無乜Plan到開市後追乜方向，到依家9點54分，都只係隨手先追一注好倉爬格仔，有戰友兩格正數先收嚟做早餐。
而呢注好倉如果Hold耐嘅係，咁都只係等緊10點打後睇個小時圖，借條Slow STC(14.3)觸底上嚟掂一掂條10線；係呀，唔係要佢好神勇咁向上破線，掂吓都好咋。
唉...去到10點6分見指數都唔多郁，喺呢度如果揀隻好倉都怕出完文之後，作戰室已經全線收隊。望望月曆今晚美國議息，應該都係等佢個結果掛...今日都係休息一日，早啲瞓今晚再睇隻Space(SPCX)同睇聽早清晨4點英格闌對克羅地亞先。(早抖)
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
