今日 10:27
上個星期五(6月12日)揀咗隻恒指牛(56513)出嚟，Mark住五分鐘圖嘅10/20線企得住先至出動；安全嘅話如常用返五分鐘圖嘅Slow STC(14.3)觸底上先至出動。
作戰室就喺開市之後即刻出好倉；而睇文嘅話就係出文後有見指數低走於10線，不過之後抽返上去，就比到個位(56513)出場，上半場未到24700點到步；去到下半場開始見指數離開10/20線，數住格仔走人。
如果有將注貨過weekend嘅話，今朝開市見指數入283點應該好爽，同時指數亦都爬返上25000點樓上。不過甫開市之後都有啲險，五分鐘先向下落返去248點之後再反抽上25000點多一次，出咗個「十字星」之後未見指數向下，仲一直係咁上到依家9點51分暫時高位25047點。
拎埋個牛熊證街貨圖出嚟睇嘅話，指數今朝開市價已經將首三層熊證街貨全數收回，當中包括24900至24999點呢一層重貨熊。
坦白講作戰室今朝係想出淡倉，不過五分鐘圖第一粒見個「十字星」之後反抽，戰友未等我講口都已經有變陣好倉追上；遲咗一步或者晏咗入GP睇嘅，反過來等緊指數喺五分鐘圖上出唔出到Swing Trade。
換小時圖出嚟暫時見未有啲咩異樣，咁今日怕且都係要用個五分鐘圖嚟玩Swing Trade啦。
恒指熊(55216)，收回價25400點，同現價有約388點距離，即平時Day Trade揀嘅證嘅距離範圍，槓桿有約53.2倍，依家10點8分，基本上五分鐘圖上嘅指數同Slow STC(14.3)都有確認到出咗Swing Trade向下，如果到出文後你睇到嘅話，見指數向下穿過10/20線的話，咁都仲有半層左右嘅保歷加通道你可以博埋佢。
一旦見日線圖10線今日即日得而復失的話，隻熊可能有條件坐一晚嘅；不過呢個下半場臨收市前半個鐘先至估得到，到時再算啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
