昨日 10:42
噚日揀咗隻恒指牛(66578)同恒指熊(62100)，做定兩手準備，皆因出文時都有見到小時圖Slow STC(14.3)觸頂向下，借小時圖10線嚟做出好還是出淡嘅決定：企得到10線以上就去做好倉，借保歷加頂線同10線呢兩條線嚟夾住指數，借整條保歷加通道向行；但如果指數向下低走於10線，就出淡倉順Slow STC(14.3)兩線向下到超賣，嚟當做一趟向下走嘅觸頂swing Trade。
以噚日Patreon出文後再睇返個走勢圖，已經見到指數低走於小時圖10線以下，確認係拎隻恒指熊(62100)落場。估唔到呢一注一hold就hold到過去下半場，作戰室都係一樣，望住小時圖20線呢個目標嘅同時，都有反方向set住以五分鐘圖嘅中軸作為上方量度線。
當然啦，keep住望住小時圖20線做目標嘅話，咁就變相過咗夜。
今朝起身睇新聞有見話再嚟多次加徵關稅，美股隔晚又跌500幾點，港股噚日已經跌咗落去，今日返嚟亦都有見低走，不過今朝自己比較忙，所以喺作戰室都晏咗少少(大約開咗市後12分鐘到)先至順U盤方向嚟追隻淡倉出去，兼留低一句「睇住五分鐘圖STC到超賣」。
再到依家忙完一輪，睇睇鐘到10點12分，睇返作戰室已經有戰友食咗餬，因為五分鐘圖嘅Slow STC(14.3)兩線都已經到超賣位；當然亦有部份決定繼續持有或出風箏策略，望嘅都應該係25300至25399點嘅重貨牛全數被收回啫。(打完呢一段已經穿過，作戰室淡倉都先收第一注)
至於小時圖方面，見指數今日裂口低開之後，擺位都低過50線，目前指數依家都處於保歷加下降通道，Slow STC(14.3)仍然向住超賣方向走。
恒指熊(68024)，收回價25728點，同現價有約330點距離，槓桿有約46.9倍，附近收回價中屬高槓桿，少少地出注睇埋小時圖Slow STC(14.3)兩線都食晒入超賣位啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
