昨日 15:13
噚日揀咗隻恒指熊(63259)，係睇住牛證重貨區嚟出隻熊向下打落去嘅，本以為頭嗰兩層重貨殺完就收油，點知個市繼續比油向下殺到落去274，而隻(63259)即日亦帶嚟平均16.52%正數。
見住噚日恒指「宵夜唱K」直落咁款，將噚日牛證有過千張期指嘅街貨層都殺晒，還好最後反抽企返住25000點樓上收市。
而今朝指數都見有上行，作戰室第一注好倉擯出爬格仔都係望住五分鐘圖嘅150線，快執幾十點正數同時feel吓個方向先嘛。
仲有2分鐘就10點，其實依家見嘅五分鐘圖同小時圖嘅Slow STC(14.3)都明顯見到觸底上行嘅情況，而日線圖則見%K線高走於%D線；之但係見今日嘅牛熊證街貨圖，噚日一個反抽，今日返嚟就儲得番五層每層有過千張期指街貨層。啱呀！又係一個技術分析 VS 街貨嘅日子。
過往出現呢啲情況嘅話，都真係大多數時間都係街貨贏，只不過依家要考慮嘅係五分鐘圖目前(10點6分)見整條保歷通道向上，而Slow STC(14.3)向下走，咁即係指數喺五分鐘圖上其實係行緊向下落嘅Swing Trade走勢，作戰室都等緊睇佢條10線穿定唔穿嚟決定出邊個方向嘅貨。
恒指熊(63005)，收回價25550點，同現價有約400點距離，同一收回價中最高槓桿、低街貨又活躍，爬格仔mode出動追五分鐘圖嘅向下Swing Trade呢一趟啦！
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
