今日 10:23
噚日揀咗隻恒指熊(65528)出嚟，收回價27100點，一樣都係借五分鐘圖嘅Slow STC(14.3)做一趟Swing Trade。
呢一注淡倉要等到下半場嘅2點幾接近3點先開得出，持貨至收市前，五分鐘圖嘅Slow STC(14.3)都未落到超賣位。如果唔過夜嘅話，呢注貨最多都係打和；但見咁嘅鐘數再加上有玩開Day Trade嘅都知道下半場向來都係慢行，仲要得返一個鐘先嚟落場嘅話，呢注貨有定心理準備過夜，順便博埋五分鐘圖+小時圖嘅Slow STC(14.3)繼續向下到超賣位先至走人，咁就變成注過夜貨。
還好至少有兩個時軸圖嘅Slow STC(14.3)可以追多次到超賣位，今朝開市後見指數低開，先跌266點，五分鐘圖嘅Slow STC(14.3)已經推到入超賣位，係得返小時圖嘅Slow STC(14.3)拉盡喺最頂個位嚟出觸頂向下樣。有貨過夜嘅話呢一注開市後先收禾味。
至於吉倉嘅，坦白講一開市就要博五分鐘圖嘅Slow STC(14.3)直出超賣再超賣都真係有一定難度，不過作戰室今朝都仍然先以淡倉打頭陣，係因為見小時圖Slow STC(14.3)喺拉到盡嗰位嚟出觸頂向下，真係好吸引；只不過安全起見，咬緊少少先用住五分鐘圖嘅150線或26300點呢個齊點數位嚟做住量度位先。
不過等到10點都仲未見到指數向下穿得過150線/26300點，作戰室注淡倉都先數住位打個和走先。同步有見五分鐘圖保歷加頂線向下，睇嚟指數同Slow STC(14.3)都準備觸底上，問題係上到邊一個位啫。
10點後見小時圖，Slow STC(14.3)係有見向下，只不過今朝指數出咗「十字星」出嚟，好淡爭持下得條Slow STC(14.3)向下落，咁出淡倉都意義不大。
10點3分再睇返個五分鐘圖，一早喺作戰室預告定指數同Slow STC(14.3)會出觸底嘅機會，所以有戰友就偷呢小段路嚟出好倉，勁！
先唔理小時圖零方向嘅「十字星」，如果要喺五分鐘圖內做Swing Trade嘅話，如常地先借同指數最近嘅10線&保歷加底線嚟夾住指數向下落的話，五分鐘圖10線見阻力可以出隻恒指熊(66206)，收回價26705點，同現價有約360點距離，槓桿有約49.7倍，附近收回價之中高槓桿、低街貨、成交活躍。
萬一指數同Slow STC(14.3)保持觸底上過10線的話，咁反過來借10線做下方量度線之餘，亦都可以放隻恒指牛(54348)出去食草，(54348)收回價為25950點，同現價有約390點距離，槓桿有約64.2倍，為附近收回價中高槓桿、低街貨、成交活躍。
兩手準備做Swing Trade唯一要考慮嘅係條保歷加通道有幾闊...
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
