今日 10:16
噚日揀咗隻恒指牛(65572)出嚟，諗住指數企得住五分鐘圖10線，博借埋保歷加頂線夾住一齊上，睇吓會唔會收埋26300至26399點嗰層重貨熊。最後下半場更見指數低速向下，但成個下半場夾埋先落100點左右，除非唔記得咗，否則睇住個市無瞓着都真係要頒個獎比你。
噚日收市之後出咗條新聞係話「伊朗媒體聲稱在霍爾木茲海峽附近，有兩枚伊朗導彈擊中了一艘違反交通規則的美國軍艦，導致該艦調頭返航。」咁樣一掟就掟散咗美股，再嚟到今朝港股又點會少咗佢一份，今朝恒先低開150點，報25945點，對比美股跌得太少啦，所以作戰室喺開市之前Plan同衝淡倉出去。
依家9點46分都已經收割/風箏咗，過夜嘅30格亦已經吞埋，因為已經一支大陰燭落到小時圖150線，再壓過去嘅就係入25600至25699點嗰層過千張期指街貨嘅牛證，同埋小時圖嘅保歷加口要拓闊，比位指數再向下行。
10點未到指數向下再落，確認將首三層嘅牛證全數收回，終於都嚟到有過千期指街貨牛呢一層，「咁一定食埋佢啦?!咁近唔會唔食㗎嘛?!」真心難講，印象中無耐之前都有見過指數行到城隍廟唔求返支好簽。
不過，呢個位出淡倉嘅話都真係硬追，見五分鐘圖保歷加頂線開始打橫，先要預指數同Slow STC(14.3)會出觸底上行嘅走勢。文都未出指數同Slow STC(14.3)已於整條向下嘅保歷加通道出咗觸底上行嘅Swing，10線於10點7分前到步，作戰室淡倉已經先清保正數，再嚟嘅係等睇指數過唔過得到呢條五分鐘圖嘅10線。
疊加埋街貨擺位呢個因素嘅話，恒指熊(67464)，收回價26088點，同現價有約274點距離，所以槓桿有約52.2倍，Day Trade用。
進取嘅見五分鐘圖10線見阻力先至出動；安全嘅用返Slow STC(14.3)觸頂向下先至出熊證。再去多次淡倉呢注唔係要追殺啲乜，只係第一輪嘅向下Swing走勢完咗嘅話，咁接住嘅很可能會見到向上Swing返上去嘅走勢，咁呢段時間出文、睇文，有需要嘅話重新再自己揀多次貨，到時可能會完第二趟Swing，有機會見第三趟/叫做第二次向下走嘅Swing，咁隻熊就用得啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
