今日 10:46
噚日揀咗兩隻貨出嚟，先睇隻用嚟Day Trade嘅恒指牛(61894)，惟以噚日出文後再用10分鐘里時間去睇文，再睇返個走勢圖，已經見到指數向下走，不過都仲可以等到五分鐘圖Slow STC(14.3)觸底上行而出動，博行一趟Swing Trade的話，極速半小時即內即平均執6格或18.18%。
至於另一隻日經Call(11072)，純綷只係用嚟換馬用，皆因上個星期二(4月21日)揀咗隻日經Call已經價內咗，同時日經亦都上抵之前Set好嘅60000點目標。所以如果之前注日經Call收好唔打算再追嘅話，咁(11072)就參考吓算啦。
今朝見恒指向下再落返去258位置，重新再走近日線圖20線位置。喺未正式開市之前作戰室都數住晒啲線位，出淡倉追落最多都係5x至8x點位，mark住日線圖20線位置做下方量度線。開市後指數如期向下落到日線圖20線位置，但之後亦都好快出下影線抽上...咁...日線圖20線都真係幾硬。
依家10點8分，五分鐘圖上有見恒指行出「旗形」物體，望望月曆明日期結，轉倉前夕都真係比較難玩，還好噚日喺Patreon【本週焦點個股】出嗰隻今日逆市升兼過咗噚日喺文入面Mark住嘅位，希望Patreon會員可以拉上補下得到啦。
再嚟到依家10點25分，算是確認得到指數於25900/五分鐘圖20線見阻力，指數有見重新向下但我諗壓得到多一次見257都已經好叻，睇嚟呢兩日都係靜靜地等期結過去算啦；手痕嘅Paper Trade淡倉算啦。
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
