今日 10:50
噚日揀咗隻恒指Put(26022)出嚟，主要係借日線圖Slow STC(14.3)向下+指數向下失守返10/50/100/150線而出動。但講咗唔駛急住出貨，可以等到臨收市前10分鐘，見指數低走上面堆平均線最低嗰條50線嘅機會係大嘅話先至出動。
今朝見指數向下低開181點，報25733點，一步入到重貨熊。及至開市後有見指數於25700點邊皮位游走，作戰室先預咗25700至25799點嘅重貨熊會被全數收回(即係食乾淨)，但就唔預佢一開市之後會出現大插，因為睇過五分鐘圖同小時圖嘅Slow STC(14.3)兩線都已經/接近超賣位，特別係小時圖噚日已經出咗超賣再超賣成日，嚟到今日都仲要出超賣再超賣嘅話，咁真係要好慘淡先得。
所以，喺作戰室都預咗Slow STC(14.3)向下壓多一下之後就會出觸底上行嘅機會；即使指數依家企住喺牛證街貨層，但咁樣嘅技術指標擺位，淡倉都只係偷住去。
再換個日線圖出嚟，依家9點53分，恒指最低暫時見過25667點，而日線圖嘅20線見25665點，2點之差接住指數無再向下，係咪今日要測試條20線?!
的確，如果呢條線穿唔到嘅話，咁指數都叫做仲係保歷加上升通道裡面運行，咁隻(26022)先走保正數。
今日星期五，如果今日已經清咗隻(26022)收咗正數嘅，OK啦；但如果喺稍後嘅時間見指數有再往20天線走多一次，但最後都係穿唔落嘅話，(26022)都真係唔好留啦，先走保正數嘛！
作者阿珊，以技術分析玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
