今日 10:35
噚日揀咗隻恒指牛(57538)出嚟，借進取mode用五分鐘圖10線接住指數而出動，持貨至下半場開市有見指數向下失買入嘅10線位，呢注喺呢個位走平均都有25.42%正數。
其後有見指數重上多次五分鐘圖10線，如果再出多一次好倉嘅話，雖然真係差啲瞓著，但至少方向式確，執多一注好倉正數收工。
隔晚美股再創新高，不過今朝返嚟見恒指低開185點，擺位上都仲叫做企於日線圖嘅五條主要平均線之上嘅，特別係50/100/150線之前經常畫住嘅三線位，大漲小回嘅話可以，但唔該真係要企好線。
睇埋今日牛熊證街貨圖，即使今日指數低開，但其實擺位都仲係靠近上方熊證街貨層，又今日作戰室遲遲未出倉(到依家9點50分都仲係得個睇字)係因為度過今日嘅技術擺位同街貨比較嘅話，對現咗對立嘅情況。
「即係技術分析 VS 街貨?!」Yes! 依家等緊嘅係10點後，倒底指數會係低走於10線，還是企高於10線，再決定出乜倉；當然佢會有第三個答案比你，係就咬住10線唔上唔落，如果係咁嘅話，作戰室已經一早決定會今日休戰一日。
終於等到10點打後，有見指數低走於10線，作戰室終於決定出淡倉方向，借小時圖Slow STC(14.3)向下落，睇吓可唔可以借得到呢個方向走。
恒指熊(66137)，收回價26600點，同現價有約400點距離，約51.4倍槓桿夠做Day Trade。唯一要留意嘅係因為都等咗成半個鐘先至決定到出邊個方向，五分鐘圖嘅Slow STC(14.3)已經到晒超賣位，所以佢下一步整條保歷加通道有機會向下行，變相指數同Slow STC(14.3)有條件出現返Swing Trade走勢，出淡倉呢個位就要小心啲啦，借保歷加底線同最近指數嘅上方平均線呢個通道夾住指數玩啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
想睇埋美日台股、金油匯幣ETF嘅玩法，請往Patreon搜尋「cbbcwar」；新書《風暴中的小資理財聖經》已於Google Boook Store上架，可免費試閱。
