昨日 10:38
噚日揀咗隻新underlying白銀輪出嚟玩，無Set到任何目標或Day唔Day Trade，純綷係睇住依家政局不穩之下，商品資產總會成為避風港，估唔噚日落注，今日返嚟有見輪證上到0.325元，過一晚夜暫時有9.24%正數，又幾好玩咁喎。
睇返白銀嘅日線圖，噚日出咗支陽燭出嚟，應該都係市場憧憬美以伊戰爭結束在望，金價都搶升返三日，白銀價都跟住上亦無可厚非。
日線圖上見白銀價格目前仍然貼住100天線以下運行，亦有準備再上到20線前。望望月曆今日星期三啫，星期五開始先至係一連五日假期，假設唔過長假期嘅話，咁都仲有一日時間再博，如果覺得冷門輪都有正數嘅，咁呢一注可以先收離場。(呢注會計入4月份嘅【月度報告】)
今朝起身睇新聞見隔晚美股升逾1100點，港股今朝都出個500幾點嘅裂口跟升，本身喺作戰室都Mark定出好倉，但見開市後指數出高開低走，所以都變陣，第一注以淡倉先 應市。
依家10點7分，暫時指數最低落到去25232點，之後反抽上過25250點後就先行收割。其實都仲想淡落去架，不過下方10線亦都開始上到指數附近，又整條保歷加通道都開始呈上，Slow STC(14.3)兩線有見%K線重新高走於%D線，如果佢接住指數一齊向嘅話，咁應該會有見「圓底」生成。
換日線圖上則見指數仍然受制於中軸線位，如果指數係企得住喺10線之上乘整條保歷加通道上行嘅，恒指牛(69276)，收回價24868點，同現價有約370點距離，槓桿有約53.7倍，夠做Day Trade，借五分鐘圖10線同保歷加頂線一齊夾住上；不然用返Slow STC(14.3)觸底上行嘅方法去做一趟Swing Trade啦。
出好倉都要睇住日線圖中軸呀！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
