昨日 10:36
噚日揀咗隻恒指熊(60281)，借五分鐘圖10/20線唔過而出動，做一超Swing Trade啫。點都估唔到Slow STC呢一個觸底上fake走咗隻淡倉；喺下半場指數雖然慢活，但都叫做向下行，啱方向先啦，隻(60281)hold到收市嘅話應該唔止咁少。
至於前日隻海油牛(57784)有見股價企高於10天線，鍾意收割或者繼續借10線向上守住注貨都可以，自己嗰注自己話事啦，最緊要正數。
今朝恒指再嚟低開高走，作戰室今朝都有Plan住出淡倉，到依家10點19分見指數喺五分鐘圖上出咗「平底三角形」，底線未破到咁唯有揸住注淡倉等。
小時圖上有見保歷加通道口拓闊，所以指數都仲有向下壓過去，同時Slow STC(14.3)兩線亦都有條件出超賣再超賣。
呢個位再出淡倉就即係博小時圖保歷加通道口繼續拓闊，拎Slow STC(14.3)繼續出超賣再超賣，留意今日指數到25300至25399點嘅過千張第二重貨牛但未倉晒：咁即係最多都係博佢清埋佢咋喎。
恒指熊(60463)，收回價25800點，同現價有約400點距離，槓桿有約49.8倍，貼價熊之中屬高槓桿、低街貨。
擔心未必向下再壓得過去嘅話，用返五分鐘圖Slow STC(14.3)做觸頂向下Swing Trade一起可以，同時亦留意注碼。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
