今日 10:26
剛過去嘅周末最轟動地球嘅新聞都係美伊開火呢單嘢，今朝如常8點半喺作戰室同戰友睇街貨擺位、recap走勢圖再揀定指數牛熊準備開市之外，仲順便揀定同金油相關嘅個股輪證。
仲有兩分鐘就9點20分，隻SPDR金ETF(02840)又再次升過百元，而比較「中要命」嘅油，即中石油(00857)同中海油(00883)則升5%開市，所以我都一早喺作戰室揀定晒呢三隻underlying嘅相關輪證。
及至開市之後唔急於出去追貨，咁大變幅嘅點數開市初段一定chok到嘔，就估唔到指數第一支五分鐘圖嘅燭就開咗個「錘頭」出嚟。低開高走到見指數撲26400點失敗後，作戰室第一注淡倉先至出動，重新向下走，即使第一支燭做「錘頭」時已經入到26200至26299點嗰層重牛街貨，但向下再落嘅26100至26199點呢層過千張期指街貨。10點未到作戰室淡倉已經肥到...可能11點又會唔見晒人，食飽晒返番去工作崗位lu。
依家仲有2分鐘就10點，恒指淡倉再追的話就真係要迫指數連26000點都要穿埋，唔係無得博，但作戰室注淡倉都係今朝出完再風箏咗，留條尾仔出嚟博。
睇返前文講過嗰三隻Underlying，SPDR金ETF(02840)我諗可能有人常備隻Call在倉，好似我作戰室戰友們咁。
比較中海油同中石油，前者業務高度集中於上游勘探開採，屬「純上游」公司；桶油成本低，故對油價敏感度極高。
日線圖上見股價由今年1月初重上20線後至今，一直都沿線向上運行，而今日有見股價裂口彈升過10線，唯暫時明見高開低走。
海油牛(59937)，收回價22元，比日線圖嘅24.683元為低，所以係借20線為下方量度線。
不過都唔係即衝入去，留意股價目前都有高開低走中，留意小時圖10線向上高走往股價中，接得住先至出動；不然用返Slow STC(14.3)做Swing嚟出好倉都可以，因為「特朗普料軍事行動需時4星期美戰爭部」，知佢料咩啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii) R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2026。 版權所有。
