今日 10:19
噚日揀咗隻S金Call(21737)出嚟，皆因見關稅問題重燃，金價上升，推高SPDR金ETF(02840)嘅單位價格，所以先拎返佢出嚟玩。
今朝恒指升150幾點開市，而(2840)單位價格都有見上行，當然唔似之前咁一嚟就100蚊大裂口高走啦。開市後有見指數出高開低走，(02840)喺小時圖上見暫時有借住條10線守住，但小心Slow STC(14.3)都上到超買位，而整條保歷加通道都呈上之下，當住依家單位價格係借住保歷加頂線同10線之間向上運行；所以(21737)Lock住小時圖10線，一旦失守就先走啦。
依家9點48分，一陣11點波叔就會宣讀新一個年度嘅《財政預算案》，早在兩日前已經喺作戰室提醒大家可以留意定隻港交所(00388)同埋啲本地地產股，依家恒指好似低開高走完啦，港交所都似乎開始嚟料。
小時圖上見港交所今日隨大市高開出裂口，但佢本身都已經守好喺中軸線之上，Slow STC(14.3)兩線於中軸位觸底上，上方100線當做即日目標都唔過份。
反而捉落場位要小心，皆因依家9分54分見五分鐘圖嘅Slow STC(14.3)上到超買位，即使目前保歷加通道口拓闊，但通常宣讀《財政預算案》時，市都係比較偏淡，似成個中環坐定定喺度睇住個預算案嗡乜。
小喇叭啲港交牛街貨多到...人山人海咁，唯有轉去揀Call，(23336)，行使價464.19元，同現價有約11.53%價外距離，槓桿有約11.47倍，高過要避開高街貨而揀遠牛嘅槓桿，5月底到底只係玩一兩日嘅話都還可以，最緊要快。
但係，比少少時間隻港交所，回返落五分鐘圖10/20線有支持，或者見Slow STC(14.3)出觸底先至好出動。
如果《預算案》對港交所嚟講無乜料到嘅，咁呢遊戲就可以收皮。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
