今日 10:42
噚日喺呢度無揀到貨，皆因咁啱出文時見五分鐘圖上指數落到中軸位，未見方向；而作戰室則順住五分鐘圖嘅Slow STC(14.3)上落而做Swing Trade。
格仔者真係執到嘅，但真係唔食就無嗰隻。不過噚日都有喺作戰室講，喺五分鐘圖100/150線同埋小時圖10/20線都畫得到底線接住，喺下半場都有出過好倉捉指數上行；又所以今日返嚟見到牛證儲到過千張期指街貨嘅都有成四層，一啲都唔意外，反而要留意嘅係，咁大堆過夜牛今日開市如果一齊衝出去食咗個開市裂口先嘅話，初頭都要避一避開，因為應該會chok到嘔。
或者呢期坐得最定嘅真係揸金，當然啦，喺作戰室裏面都有戰友幾點或十點咁短炒金嘅，各人有唔同玩法啦。
睇返今日啲金價又係表ATH，SPDR金ETF(02840)單位價格再創新高，至於隻S金Call(21117)過唔過週末就隨得你啦；提提你仲有一個方法可以做叫「放風箏」，即係沽出部份先鎖定部份利潤，再留低少少以博之後繼續上。至於沽幾多留幾多，就要睇你手上嗰注啦貨有幾多啦。
依家9點55分，(21117)證價見0.69元，對比兩日前嘅平均買入價都有26.6%正數落袋。今日就星期五，過唔過weekend就隨得你啦，總之就Happy Friday啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
上一篇：輪證贏家丨剛好落到中軸位
