昨日 10:58
受世界大亂(都唔止地緣政治咁簡單)嘅影響，資金不斷、瘋狂湧入金市避險，SPDR金ETF(02840)活演「有買貴、無買錯」，所以噚日揀咗隻輕微價外嘅S金Call(21117)，博金價再上多少少，將隻Call推到上價內，食時間值+內含價值；但同時留意到(02840)真係大裂口向上走，隨時會吸引獲利盤出現而出現沽壓，所以以注碼嚟控制風險。
至於個市方面，噚日最後一個鐘先至最精彩，3點打後三支大陽燭向上打高衝過266點樓上之後又再向下回返落嚟，呢一Round幾乎係全日最容易炒嘅一Round，作戰室好倉見3點後指數上過五分鐘圖嘅150線手痕追咗，就撞正司機閂門開車；所以話有時運氣都係需要嘅。
今朝睇新聞見話美國同格陵蘭單嘢好似有啲緩和，所以金價碌返落去，而恒指就暫時未如隔晚美股升500幾點咁爽，依家9點41分，指數開市升165點，報26750點後，喺五分鐘圖上出咗兩粒「射擊之星」嘅物體出嚟，本身諗住Mark住個好倉出去，博佢爬到入第一層熊證街貨，但係都係爬唔到，依家升幅收窄至見升88點，報26674點，變陣淡倉做緊作戰室今日第一注，快爬格仔收100點完咗今日第一注先。
10點後有見小時圖個保歷加通道口仍然收窄，喺五分鐘圖上見指數亦見企住喺保歷加中軸位，少少尷尬企住喺中軸位，衝完又縮，縮完有支持又衝過，有啲似卡住咁。
望望隻(02840)，今日返嚟單位價格都有見下行，不過噚日都有講過追出(21117)係有少少硬追嘅成份，如果無出到嘅，有耐性等嘅當然可以繼續等你心目中嘅入市位啦；但如果噚日已經撲咗出去嘅，唔緊要，Lock住止蝕位就可以。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
