今日 10:39
噚日揀咗隻恒指牛(54214)出嚟，諗住借小時圖Slow STC(14.3)觸底上+低位出「十字星」而出；所以反過來借小時圖50線做下方量度線。但可怪呢一注持貨一小時到已經先指數重新向下過線，(54214)守不住亦需要止蝕離場。
睇返噚日個五分鐘圖有見大約26550點呢個位出到底線，而噚日嘅高位一個比一個低，「三角形」行咗出嚟，行足一日，諗住今日會好啲啦，結果今朝微跌19點，開市後玩燈掣玩到依家9點42分，都係得30至40點水位，方向未有仲要接住噚日個「三角形」繼續行落去，有繼續等。
依家9點50分，暫時都只係喺作戰室做咗啲偷30點嘅Trade，有望過下啲個股，今日最醒神嘅應該都係隻Labubu(09992)，回購嘛，一抽抽成接近一成，比個位佢威下啦。
等到10點左右見指數已經向下破咗噚日嘅底線位，作戰室有戰友淡倉掟出，但咁嘅市場唔敢坐得太耐，真係幾十點唔食就無嘅市，點敢坐?!
係想借小時圖指數於10/50線前出上影線+見阻力位出現，同埋指數喺10點後都入到重貨牛區而出淡倉，但要提一提嘅係，小時圖嘅Slow STC(14.3)已經落到超賣位，但保歷加通道口未見拓闊，所以都要預一預指數有機會係借保歷加底線同10線夾住指數行；即觸底Swing隨時出現。
恒指熊(56668)，收回價2700點，企住喺27000點感覺安全啲，槓桿有約60.5倍，為同一收回價中最高槓兼低街貨。
依家10點13分，重貨牛得返30點生命值左右，向下再掃仲有貨嘅，但提多一次：小心隨時觸底。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
