今日 10:48
噚日喺呢度無揀貨，但喺作戰室上半場出好倉，午前放埋隻風箏出去，都已經Mark住下半場一失五分鐘圖10線之後就清貨，安全渡過一日。誰不知一個消息出嚟，短短三分鐘將指數大大力向下打170點，呢一棍真心嚇親，還好風箏喺午前出咗，都無咁傷。
不過，日線圖依家見到「陀螺」伴住粒「十字星」，再加埋27000點呢粒「毒藥」，今朝指數開市跌27點後直落跌過百點，依家9點34分，五分鐘圖條150線暫時接住指數出下影線，將跌幅收窄返，但作戰室都未敢開出實倉，暫時都係出Paper Trade好倉先，因為都未係好捉得到方向住。
傾向出好倉都係睇咗個街貨圖先有咁嘅決定，以指數現價計，即使今朝係低開，但指數擺位同上方熊證都係近過下方牛證，而且即使第一層牛證已經見儲到過千張期指街貨變重貨區，但上方熊證儲得仲多過牛證街貨呢。
10點未到已經見指數撲到上27200點樓上，過咗去年11月13日嘅高位27188點，再向前數就見10月2日嘅27381點，有無咁神?! 唔知呀，我都係睇圖架咋。
觀乎指數上到27000點之後嘅表現，由上年10月至今計，彷彿27000點呢個位係「可以破但唔可以守」咁。頭先都有講到指數上到11月高位，日線圖畫咗個「大圓底」出嚟兼到頸線，呢條頸線要過到嘅話就即係27000點唔止要破，仲要企到。
恒指熊(59135)，收回價27550點，同現價有約450點距離，槓桿有約52.1倍都已經夠做Day Trade，皆因五分鐘圖依家(10點14分)開始見Slow STC(14.3)觸頂向下，即使變返用五分鐘圖行Swing Trade，咁隻淡倉都有用嘛。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
