昨日 11:14
噚日揀咗隻恒指牛(64453)出嚟，借小時圖20線守好而出動。估唔到守守下，過咗開市位之後係咁創日內新高，再到26400點過埋都Keep住道氣繼續上，隻(64453)唔Lunch都夠肥。而如果Hold到收前10線走走貨(以不持貨過夜計)，呢一注平均鯨吞27格或50%正數。
如果你過埋夜嘅話，嘿，呢個1月你都可以提早埋數，事關依家9點13分時已經見到期貨上到27000點以上，本來喺日線圖畫住個「大楔形」，頂線同日線保歷加頂線相若，都係268左右。不過照咁睇嚟都應該會破到呢個位。
但對於吉倉嘅就真係有啲麻煩，一步到位地先讓好倉沽盤出嚟收割，硬追再上唯一一個目標就係殺重貨熊。喺作戰室同戰友數實數，見恒指熊收回價27088點之後最近嗰隻就27100點，即係話如果要將重貨熊全數收回的話，只要指數上到27089點就可以，唔駛見271嘅。
10點未到已經見指數上到27091點嘅暫時高位，即係熊證首五層，包括重貨熊已經全數被收回。呢度有相當於2389張期指街貨，我諗指數今日都可以收工啦；多謝各晨咁早起身參與。
稍為休息一下啫(我諗)，指數咁樣高走完一輪之後，乜圖乜平均線都離晒罩，依家作戰室Chur完一輪之後都一齊休息中，順便等五分鐘圖嘅10線上到去指數前，係會借住嚟同埋保歷加頂線一齊再上，還是穿線向下落，放鬆返條Slow STC(14.3)。
恒指牛(69364)，收回價26458點，同現價有近600點距離已經係全場最貼，而(69364)嘅槓桿有約38.7倍係全場最高。
萬一指數向下穿10線的話，咁恒指熊(54404)，收回價27388點，同現價有約370點距離，槓桿有約61.4倍為同一收回價中最高槓桿兼最活躍。
兩手準備等10線啦喎！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
