1月5日 10:13
放假前揀咗隻恒指牛(60539)，都有Mark住上過26000點樓上任可一個位都可以收割，以上星期五計出嚟嘅平均數純綷係為咗出文有粒數睇吓啫，相信你袋嘅會比呢個數更多；Anyway，先取今年第一注正數先啦。
另外，上星期五都揀咗兩隻貨出嚟，分別係恒指熊(60576)同恒指牛(63631)。
執定兩隻貨出嚟係因為出文時都有考慮到，到你睇完之後個市隨時會變咗樣，始終26000點呢個位係過年前好幾次都挑機失敗，所以Mark住五分鐘圖條10線，企得到就出好倉再追；否則當佢Swing Trade咁做。
估唔到上半場未完見指數低走五分鐘圖10線走，平均都有20%執到；如果再持貨到下半場嘅話，指數再向上殺埋重熊(261)兼再追加多一層(262)，呢啲之走嘅話都唔止20%。
Anyway，新一年第一注取正數拎個意頭開心吓啦~ 不過新一年嘅國際新聞，比較吸睛嘅都真係唔多好，就係特朗普生擒委內瑞拉總統馬杜羅兼「吞埋」委內瑞拉；再加上之前佢講過話要格陵蘭...
呢啲國家大事我哋一般平民係處理不能；唯一可以處理吓嘅只係用隻SPDR金ETF(02840)追下咁啫。
記得放假前隻(02840)都有被「襲擊」嘅一日，大裂口跌唔多成100蚊向下撻落去日線圖20線前，但都無阻佢由9月初至今向上高走嘅升勢，今日一跳再高走返條10線，同步五條主要平均線仍然順序排列，屬中線利好訊號；唯獨Slow STC(14.3)兩線處於中軸位未確認到係咪轉番向上。
S金Call(21117)，行使價3501元，同現價有約11%價外，9月中到期，槓桿有約7.19倍。從來S金Call都比較難做Day Trade，所以日期方面的確要揀得比較遠少少，變相持貨力加強。
換言之有少少同平時做恒指Day Trade唔同，唔需要急於買入。依家仲有3分鐘就10點，暫時(02840)高開低走中，小時圖目前都見佢企高於保歷加中軸，保歷加通道口有見收窄預佢出Swing無問題，只要日線圖10線接得住就得啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2026。版權所有。
