昨日 10:34
嚟到2025年最後一個交易日，相信大家今年嘅成績都塵埃落定，最好當然係今年勝舊年啦；未如理想嘅唔怕，星期五又係新開始，至時再努力過！
臨近年底指數都方向欠奉。噚日喺呢度無揀貨，喺作戰室則以出好倉，但都只係爬下格仔，叫做志在參與。
記得今日半日市喎，所以有咩都拿拿聲處理佢啦。奇怪明明望住個鐘已經0920但都未出個U盤，等到0922先至比出嚟...是但啦，見指數低開53點，報25801點，小時圖見指數擺位低於中軸線，即擺返落去保歷加下降通道，同步Slow STC(14.3)兩線亦於中軸位見勢頭向下，出淡倉快嘅借五分鐘保歷加通道口拓闊嚟追埋Slow STC(14.3)兩線到超賣；Hold耐少少嘅就追指數落返去小時圖保歷加底線。
望望鐘，仲有9分鐘就10點，作戰室注淡倉都已經收網，所以再喺呢度出淡倉嘅話，即使可以等下一輪五分鐘圖嘅觸頂Swing Trade出現，但我有少少擔心時間唔容許。
恒指牛(60539)，收回價25108點，同現價有約650點距離，槓桿有約33.9倍。企到咁遠係因為有諗過可以留一注份量係打靶都唔肉赤嘅，試下過除夕&元旦呢兩日假期後，星期五(1月2日)返嚟2026年首個交易日，有無本事開個紅盤出嚟。
係呀，每逢新年都有「開紅盤」呢個玩意；但留意農曆新年嘅「開紅盤」攞意頭係比1月1日呢個新年嘅「開紅盤」意頭嚟更得「重要」，所以依家迎接嘅呢一個新年「開紅盤」嘅「傳統」係比農曆新年嗰一個係低啲嘅。
唔需要依家睇完就決定掟出去嘅，首要條件都要見到個五分鐘圖嘅Slow STC(14.3)碓認觸底先啦，過唔到年都可以博Day Trade嘛；真係諗住博過年嘅，臨完場前10分鐘如果確認得到五分鐘圖嘅Slow STC(14.3)觸底上嘅先至出動啦。記得注碼唔好大呀！打靶都唔肉赤注好啦！
預祝各位新年進步！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i) N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。
