今日 10:56
噚日揀咗隻恒指熊(56144)出嚟，係mark住等五分鐘圖Slow STC(14.3)上返超買位先出嘅，不過見出文後再睇返個走勢圖，五分鐘圖上剛好過中軸，Slow STC(14.3)兩線亦回超買位回落到中軸水平，過線掟出(56144)當追半層保歷加通道嘅話，唔等等上半場完場都有10.1%落袋。
不過，呢一注唔mark入【月度報告】啦，因為噚日文章有寫明五分鐘圖Slow STC(14.3)上返超買位時先作為(56144)嘅入貨位，硬追成功嘅咁只係你做Swing Trade同睇圖夠熟手啫。
等到下半場有見五分鐘圖Slow STC(14.3)上返超買位，但只係得當中嘅%K上到超買位，%D莫講話坐暖張凳，掂都未掂到張凳就被%K線扯返落去。由於未見五分鐘圖Slow STC(14.3)兩線上到超買位，所以(56144)都未能成功出場。
不過，見今朝指數隨隔晚高開，本以為指數都係同噚日一樣高開後低走，咁(56144)或淡倉今日應該有多一次機會出動。的確係有但只係出動得15分鐘，皆因五分鐘圖見指數有出「圓底」走勢，作戰室亦要棄淡轉好，10點後有見指數高衝25800點樓上後都執格仔先收。
10點後見指數開始喺五分鐘圖上築起「平頂三角形」...唉...不如試下捉個股算啦。
睇咗幾隻大嘢嘅日線圖，隻隻擺位都有見Slow STC(14.3)觸底樣同時上面近嘅都有幾條平均線擋路；腦輕鬆啲，去多次SPDR金ETF(02840)。
記得今個月內都有推過(02840)，原因都係第四季係傳統金旺季又聯儲局寬鬆政策對美元&金價影響等一堆講咗萬九幾次嘅原因，令市場普遍都係睇好金價走勢。
而(02840)日線圖都仲保持住五條平均線順序排列，同整條保歷加通道保持向上，Slow STC(14.3)亦開始入返超買位，Keep住喺保歷加上升通道搖上去嘅話，S金Call(21117)，行使價3501元，價外約14.49%，企呢個位係避開啲高街貨Call，同埋9月到期唔怕時間值問題。
但小心今日(02840)都彈高唔少，Mark住依家小時圖，如果保歷加通道保持拓闊嘅話，咁(02840)就仲有上行空間，否則可能要等一等，等返一個靚少少嘅位先至入場啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
上一篇：【輪證贏家】有無人做咗彈高熊?!
