昨日 10:53
噚日揀咗隻恒指熊(56621)出嚟，諗住就算吼到五分圖Slow STC(14.3)觸頂向下回落而出，當走一轉Swing Trade的話，佢槓桿都高夠做啦。誰不知就係條Slow STC(14.3)喺五分鐘圖裏面，成個上半場都未上到超買位，仲要畫到兩次三角形，嘿！真係你玩埋我嗰份啦！
明嘅，望望月曆，過埋下個星期的話，就進入做冬+聖誕嘅時間。數數手指由依家到年底計，得返10個full day嘅交易日，仲有兩個half day嘅交易日，咁今年就完啦，收爐味咁重，市郁先至奇啦。
真係唔記得咗仲有個議息會議，隔晚聯儲局宣布減息0.25厘，一石激起千層浪，美股升4xx點後，今日港股都有百零二百點升幅，不過，未開市之前喺作戰室mark定嘅量度線見到，小時圖&日線圖嘅線位大多數放於258呢個範圍。所以今日同戰友們都係mark住呢個位，不論過夜還是Day Trade都好，留意住258呢三粒數先。
多得今朝嘅小時圖50/10線同25800點呢個位，令到10點後嘅小時圖更清楚出現個阻力線喺度，今朝開市後嗰半個鐘喺小時圖上亦有出「射擊之星」形態嘅陰陽燭，只可惜佢擺位唔算係一個高水平。
望望鐘依家10點15分，恒指升幅收窄到升116點，報25657點。Slow STC(14.3)兩線亦見觸頂向下，有Mark住今朝開市嘅裂口底25540點嘅，同現價仲有大約120點嘅距離。
恒指熊(56144)，收回價26050點，萬一過26000點嘅話都仲有50點時間轍退，槓桿有約57.1倍夠做Day Trade都夠。
同樣地，依家五分鐘圖Slow STC(14.3)向下回落中，出文後再追淡倉怕且位置唔多好，稍等Slow STC(14.3)上返超買位先出嘅話，當叫做搵個靚少少嘅位置先出；Lock住25800/小時圖50/100線做上方量度線。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。版權所有。
