今日 10:28
噚日揀咗隻恒指牛(60799)出嚟，諗住美股同A股都見造好，港股都可以跟下，誰不知恒指自己慢煮自己，小時圖畫住嘅「上升通道」掂行掂過，隻恒指牛完全無用武之地；反觀作戰室遲遲開出淡倉(都成10點先有定案架)持貨到上半場完場前收隊都有肉食，嘿!終於明白點解啲人話港股廢呢。
噚晚同部分戰友一行七人去咗打邊爐，亦嘗咗我人生第一口五糧液，Woo...當然我只能極度淺嘗，因為本身唔鍾意所有酒類一飲咗落肚之後，總會有一下酒精散發嗰種感覺，所以我其實係唔飲酒，但試過之後發現佢係好香、好醇，你會不自覺地逐少逐少咁「咪」，「咪」到大家話下次再帶支茅台出嚟。(WHAT?!)
驚訝嘅仲有條恒指，望佢升好似仲難過中六合彩，今朝指數微升15點時都仲有mark住睇下有無機會出好倉，如常地唔開市硬追，等到依家9點38分後作戰室已經畫住先出淡倉，皆因今朝開市後見指數有爭紮過上25800點，但最後都係失敗，向下回落見倒跌後，數數街貨圖見256/255呢兩層各有過千張期指街貨喺度，要收埋呢兩層過千張期指街貨數嚟放聖誕的話，咁注淡倉應該無錯啦~
仲有大約11分鐘就到10點，依家恒指跌幅過百點，見跌117點，報25648點，唔知出得文之後指數會唔會已經跌完，做返觸底上呢?!
Anyway，恒指熊(55789)，收回價26250點，同現價有約469點距離，槓桿約46.9倍貪佢低街貨。
10點後有見小時圖保歷加通道口好似拓闊咁，再明顯啲就好啦，咁就可以迫Slow STC(14.3)出超賣再超賣。但都小心Slow STC(14.3)隨時觸底上。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。 版權所有。
