昨日 11:34
噚日無揀到貨出嚟，指數都廢事睇，期結日之前都常都係悶到爆。
不過，噚日最多人睇嘅應該係大埔宏福苑火災新聞。當我睇到個「苑」字時，坦白講我有少少覺得奇怪：「通常都係一兩個單位啫，會指明邊一幢，將個範圍縮窄啲，受眾會易明啲。」但真係無諗到真係燒咗一個屋「苑」，電影先有嘅劇情竟然發生喺現實生活中，死傷人數由噚日嘅個位數不斷增加，亦有消防員不幸殉職...
香港人不少大半生做樓奴，為求老來時有個竇口，至少有瓦遮頭；一把無情火將七幢樓燒光光，都算啦~ 家人呢?! 忽然覺得警方拉嗰幾條友告誤殺有啲便宜咗佢哋。
作戰室裏面嘅戰友每日都會同大家講句早晨，好例牌&指定動作；但今日呢句早晨突然覺得好感恩；我相信今日會有好多香港人心情都好沉重...但願目前失聯嘅喺稍後時間可以搵得番；傷亡人數減得嘅減。
指數今朝開升17點，但見五分鐘圖Slow STC(14.3)有觸底嘅情況，所以都喺作戰室Mark住好倉出借Slow STC(14.3)出觸底而出好倉，呢一注快食過後到依家10點47分，指數目前都還在26000點上落。
作戰室好倉仲有在手嘅都係開始轉方向博五分鐘圖整條保歷加通道向上的話，就借好保歷加上升通道再向上運行，同時小時圖10線守得住嘅話，就即管睇下11點後小時圖Slow STC(14.3)有無本事抽返上去啦。
恒指牛(66991)，收回價25600點，同現價有約370點距離，約49倍槓桿都係Day Trade用，勝在夠活躍。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
上一篇：【輪證贏家】無力升就彈高熊
