昨日 10:40
噚日揀咗隻恒指好倉出嚟，目前就係望住27000點呢個位，唔大膽博呢層熊證會被全數收回，因為咁係要指數上到27100點先做到；只係博指數上到27000點之後，攻防戰又會開始，咁隻恒指好倉就梗係收隊，換包花生上場。
與此同時，留意到五分鐘圖嘅Slow STC(14.3)兩線已經上到超買位，唔想同技術分析有太大矛盾之下唯有等Slow STC(14.3)稍回，指數至少都有條10線企住，借到線先至出手。
結果，以Patreon出文後再用10分鐘時間去睇文嘅話，指數當時已經有撲向27000點方向。等技術指標放鬆返先出恒指好倉嘅話，一等等到下半場，不過，有位落場又有做到一趟Swing收正數就值得等嘅。
恒指迫返上27000點附近，擺到明就係會打27000點攻防戰啦；我本身熱愛和平，呢啲情況我行去側近買包花生先。
轉場睇個股見到隻美團(03690)，一副人去茶涼嘅格局，小時圖見噚日中軸線唔過之後，今日再來裂口向下，推到保歷加底線都有見拓闊，Slow STC(14.3)都唔係高但有似再向下行。10點14分時睇佢，目前當算有條150線接住佢。
換日線圖亦見到有條中軸線接住佢，不過「紅底」呢個位睇嚟有啲唔多穩。
美團熊(62486)，收回價108元，同現價有約7.4元距離，而108元呢個位目前比日線圖嘅保歷加頂線(105.25元)還要高，槓桿有約10.8倍做Day Trade都可以嘅，活躍同低街貨都係佢賣點。
望望鐘依家10點25分，暫時股價仍然企於小時圖150線以上，確認低走150線先出隻(62486)啦，咁比較安全啲。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
