今日 11:10
噚日揀咗隻恒指好倉出嚟，計劃借小時圖10線企住就落場，目標係向上向重熊方向打。
作戰室噚日都係以出好倉為主，上半場守得好悶，因為橫行嘅佔大多數時間，只不過係念在指數成個上半場都處於保歷加上升通道裏面，再加上向上殺熊嘅理念，所以大家都非常努力同無比嘅耐性出嚟守到下半場，終於，有戲了~
估唔到指數呢一升，升到4點收市，呢一注如果喺收市前如同平時用10分鐘作為清貨時間計嘅話，53%正數收工，怕且今年都可以提早收爐。
「咁早?!11月咋喎?!」係呀，你諗吓，12月底有聖誕&新年，幾乎係全年全球節日氣氛最濃厚嘅日子集埋一齊，往往12月中開始啲放假mode就會走晒出嚟，個市開都被人話嘥電。
「咁距離12月中都仲有成個月呀...」喂~ 你諗吓如果你係打算年中放假玩到年底嘅，依家你係咪Plan定先?!你仲得閒睇市?!我諗你已經連工都唔想返啦~
恒指今朝開升99點，開市擺位上到26700樓上，將第一層熊證街貨26600至26699點全數收回，而今日重熊區喺27000至27099點，由依家到重熊區沿路呢幾層熊證街貨，每層都有相當於4xx張期指街貨喺度，話多唔多，但勝在近。
雖然係咁，但五分鐘同小時圖嘅Slow STC(14.3)都上得太高，同時下方實在無線借住，踩空上硬係覺得無乜安全感。
依家9點40分，作戰室今朝Plan定出淡倉但都只限望住五分鐘圖條10線先，因為Mark緊指數於保歷加頂同10線之間夾住運行；我就更係想呢注淡倉最後捉到小時圖Slow STC(14.3)轉角向下落啦，但依家連五分鐘圖條10線都未向下穿得過，都係唔好咁大想頭住先。
10點後有見小時圖恒指擺位係低咗，但重點係Slow STC(14.3)兩線於超買位有見出觸頂向下。按技術分析方向出恒指熊(56840)，收回價27050點，同現價有約340點係近架，所以槓桿有約63.6倍咁多，所以呢注只限Day Trade用。
唔好忘記依家指數企住喺熊證街貨度，所以出呢注淡倉係「違反」緊指數往街貨方向走呢條路；如果要再偷嘅味濃啲嘅話，依家10賠14分見五分鐘圖Slow STC(14.3)兩線都入返超賣兼指數有似想轉紅燈咁嘅樣，作戰室淡倉都準備收第一注淡倉貨，咁變相呢注淡倉就要等Slow STC(14.3)下一次嘅五分鐘圖見觸頂向下先至出，做一趟Swing 都可以。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。
