今日 10:45
上星期五做定兩手準備，皆因指數喺小時圖10線上卡住，所以揀定隻恒指牛熊各一隻出嚟，等睇指數向邊個方向。
以Patreon出文時間on top再比多10分鐘去睇文嘅話，見當時指數坐喺條10小時線上面，咁可以揀隻好倉試下條線先啦。
11月都仲打風以前可能會覺得奇怪，但可能依家開始要將之認為是常態。超級颱風鳳凰橫掃菲律賓，今朝個人仲喺張床時見到有條新聞話菲律賓宣布全國進入災難狀態一年...咩都好，最緊要人無事。
恒指今日都無咩呀，開升77點之後作戰室先出好倉追上，有畫住上星期五(11月7日)嘅開市裂口26455點嘅，但到依家9點48分止，指數暫時高位見26441點後向下回落，但上面26600至26699點嘅重熊街貨有過千張期指咁多，對比下方牛證，雖然重牛都係有過千張期指街貨，但距離講緊成千點呢~
10點打後再睇小時圖，見10線守穩兼整條保歷加通道有似轉向上，所以Slow STC(14.3)兩線亦於70前重見%K線裔走%D線。
問題在於小時圖上今日第一粒燭見長上影線，第二粒(截至10點22分止)就出十字星，呢條10線係咪真係咁守得住?!
恒指牛(63924)，收回價25988點，保守少少企於26000點樓下，同現價有約400點距離，有約51.7倍已經夠Day Trade玩，低街貨都係佢一個賣點。
就試下借唔借到小時圖10線，往街貨方向打。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
上一篇：【輪證贏家】牛熊兩手準備
