今日 10:26
噚日揀咗隻高槓桿熊仔出嚟，諗住借返五分鐘圖Slow STC(14.3)出觸頂向下就掟佢出去，做一趟Swing Trade。誰不知等咗成個上半場都只係見到條Slow STC(14.3)貼住天花板橫行，五分鐘圖嘅10線一直守住指數；還好作戰室開市後掟出嘅好倉一直Keep住上半場完場前收手。
或者隻熊仔今日出場先啱數，皆因見隔晚美股向下回調，而今朝港股亦低開，作戰室都係一開市先追淡倉，試水溫見26300點穿過之後就閃人。
的確係想Hold隻淡倉Hold耐啲，因為完U但未正數開市中間嗰10分鐘時間睇小時圖時，見到Slow STC(14.3)兩線於超買位見觸頂向下，同步下方有10/20/150線擺位比較近，三線位大約喺26200至26225點之間，所以先計劃出淡倉向下望住呢個範圍。但咁就收嘅原因係見指數第一次落到26300點時即縮，第二次跌多少少先縮，第三次，即依家9點57分就開始磨，再磨落去嘅話，10點後10/20/150線呢三條線隨時擺位會高過依家，咁變相指數向下行少少，線又向上走高少少，加速兩者相遇。
10點後見小時圖10線率先追上，現時(10點3分)見10小時線為26252點，同現價爭40點位。
咁寧願等指數落到10線位時睇下有無支持先再決定出乜啦，即使佢好係一個觸頂向下樣，但噚日全日高走之後，今日見啲街貨去晒對家熊證度，下方牛仔瘦過新界牛。
所以如果指數繼續沉迷於殺街貨的話，近又多街貨嘅熊證自然會再次成為目標，咁就應該比好倉向上掃上去。
既然要等小時圖條10線，咁就兩手準備啦。
恒指熊(61987)，收回價26638點，同現價有約344點距離，槓桿有約61.1倍，用嚟做Day Trade。
恒指牛(64014)，收回價25858點，企低於26000點是淆底但安全嘅表現，槓桿有約43.1倍，同樣都係用嚟做Day Trade。
就即管睇吓到出文之後再到你睇完之後，去睇小時圖時，恒指倒底係擺係小時圖10線上，還是10線之下啦。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。©UBS 2025。版權所有。
