今日 10:30
噚日無睇恒指，轉咗去睇隻SPDR金ETF(02840)，同步揀咗隻S金Call(21117)出嚟，安全嘅就借小時圖10線企返住出動；進取嘅，就博小時圖保歷加通道口保持拓闊而追出去。
坦白講(02840)玩Day Trade唔係唔得，但你見到佢個五分鐘圖你都會𢲷晒頭，小時圖還好啲，所以呢注貨可以選擇上午買、下午賣；或者Hold過夜，通常都係後者嘅，因為博有個開市裂口食到嘛。
本身中美重燃貿易戰單嘢成為金價催化劑呢單嘢都有啲用完；但多得聯儲局主席鮑爺出減息訊號，重新為金價注入新動力。
截至依家9點17分為止，現貨金首次升破每盎斯4200美元關口，一度急升1.84%至最高4218.32美元，再刷新高紀錄。
順便望埋隻(02840)，行緊U盤時見佢升緊48蚊，到依家仲有兩分鐘完U，升幅收窄少少見升30蚊，及至完U後報3036元，升24蚊：不過已經見52周新高。
到正式開市之後見恒指轉跌為升，睇嚟今日想打返場26000點攻防戰喎。到於隻(02840)，安靜地升緊13至15蚊呢個位，如果你係直接買(02840)嘅話，今朝裂口高開可以即食；而用(21117)嘅，依家9點38分見輪價0.28元，對比噚日嘅買入價0.26元有7.69%正數賺幅，看似唔多因為輪價重，你乘一乘手上注貨兌返實數嘅話，夠等亦都可以收工。
嚟到依家10點7分，作戰室暫時都係出好倉為主，除咗指數擺位近返熊證街貨層之外，見噚日高衝上26000點前，少少估今日有機會打26000點攻防戰。
安全嘅，都係揸住隻(21117)，隔岸睇住恒指嗰邊打住交先啦，小時圖保歷加通道口收窄中，有力嘅依家飆多100點到頂線之後，如果唔拓闊嘅話又回架啦！
有啲位又唔駛下下都咬得咁緊嘅，留返啖氣今晚睇《墨魚遊戲2》啦！(聽晚仲有金鐘獎，阿姨表示好唔得閒呀~)
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
