昨日 10:01
噚日本來揀咗隻恒指牛(55566)出嚟，計劃同作戰室一樣Keep住用五分鐘圖Slow STC(14.3)行Swing Trade咁玩，等到11點5分左右見Slow STC(14.3)落到超賣位，(55566)終於都可以出到場。
去到上半場完場前有見Slow STC(14.3)上到中軸水平，諗住下半場順住道氣上嘅話就可以數錢啦。誰不知一返嚟五分鐘圖上見指數大陰燭向下落，(55566)都唯有止蝕敗走先。
今朝起身又見到地球另一端嘅金毛大叔發文，大約係：你唔買我啲豆，種豆嗰班都真係食豆啦！哼我唔買你啲油，依家我唔識整咩，講到咁大家都知咩事啦。
依家9點15分，期貨有上過258嘅，而依家都仲見住期貨着綠燈，開始少少想避一避個市，因為阿媽教落：見到白卡仔要避開。
事實上，星期一(13/10)喺作戰室裏面都揀定咗隻SPDR金ETF(02840)出嚟，去到噚日有見金價再搶高，隻(02840)單位價格亦都飆到上去，所以都走咁啲貨。及至啱啱開市，金價又再高走之下，(02840)都差啲見3000蚊。
喺呢度都有諗過再推多次(02840)，但朝朝見佢都大裂口拋上，硬追無意思。留意咗佢小時圖兩日之後見(02840)都係呈高開低走+10線守住呢個模式。
所以今鋪都係揀定隻S金Call(21117)，行使價3501元，出年9月到期屬長期Call，唔駛要擔心時間值(住)，槓桿有約7.61倍，揀到呢個位主要原因係避開啲重貨Call，見啲街貨堆喺行使價3200零蚊呢個位，諗起起身走貨都覺得煩。
小時圖目前都有見保歷加通道口拓闊，最理想更係借得返條10線企住先出場啦，硬追嘅，自己數住格仔啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部份或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
