昨日 11:55
放假前作戰室全力好倉出動，我自己唔鍾意過夜嘅，但唔代表戰友們無過嘅；而佢哋就算過夜都唔駛打鑼打鼓嘅。咁大個人，自己顧返自己嗰注都唔難呀！
今朝恒指開市升60幾點，好不以為意嘅數字，喺五分鐘圖同小時圖都有見Slow STC(14.3)上到超買位，變相指數再上的話就要靠保歷加通道口拓闊，推住Slow SCT(14.3)出超買再超買。所以今朝喺作戰室擺咗個陣係有好倉過夜嘅數住裂口食；吉倉嘅等指數出唔出高開低走，鬆一鬆條Slow STC(14.3)之後先至再上去殺熊。
及至開市之後，恒指即如脫韁野馬般向上走，作戰室即時變陣，見指數上破早排高位27058點之後好倉即追，直接向住熊證271/272呢兩層每層有過千張期指街貨方向走，到依家仲有4分鐘到10點，指數已經努力咬緊27200點樓上。
10點後指數開始有似定住喺27200點以上嘅位置等五分鐘圖10線上到嚟，再借線上咁。
呢個位出好倉追我怕出得文嚟件事都過晒，所以咁搶法都真係想備定隻恒指熊(60563)，收回價27618點，同現價有逾400點距離，槓桿有約59.1倍，唔駛企到咁近。
依家10點12分，小時圖上暫時有見高位出陀螺物體，而Slow STC(14.3)兩線亦有見%K線作勢向下行要穿過%D線咁。依家共係時間尚早，如果，11點後見指數陰陽燭同Slow STC(14.3)兩線都有出觸頂轉向下樣嘅話，咁先至出隻(60563)。
即使整條保歷加向上，都仲可以借住保歷加頂線同10線夾住做Swing，咁呢隻淡倉都有用。
10點16分啦，指數再見高位，升逾400點，27200至27299點嘅熊證要全清唔駛到27300點嘅，上到27289點就可以架啦(因為呢層裡面最大隻熊都只係27288點啫)，玩反手嘅，留意住陰陽燭同Slow STC(14.3)見唔見轉向啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益（作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
