今日 10:47
噚日揀咗一Pair牛熊，出牛證嘅條件係27000點要企住，博指數向上再殺熊證街貨。唯同時揀埋隻熊證出嚟係因小時圖有開始見到觸頂嘅走勢。係呀！噚日正正係技術分析 VS 街貨，雖然大多數都係往街貨方向打，但都唔可以排除技術分析會贏。兩手準備無事嘅。
以噚日Patreon出文時間再on top加10分鐘作為睇文時間，再睇返個走勢圖，27000點有似企唔穩，按策略應該拎隻恒指熊(59545)出場，順便借埋Slow STC(14.3)觸頂向下做Swing。
嚴守策略的話，(59545)其實揸到去11點20分就收工，因為當時五分鐘圖上嘅Slow STC(14.3)已經回落到超賣位置。
不過，做開Swing嘅就會知道唔單止可以借Slow STC(14.3)嚟做，保歷加通道都係可以，喺稍後時間指數有兩次都係唔過中軸。如是者就可以借指數於保歷加下降通道出淡倉，再次等Slow STC(14.3)到超賣或者你收夠格仔就收工。
作戰室噚日都係咁玩，只係無諗到嗰注淡倉悶聲發大財Hold到3點，大夥兒提前一個鐘收工數錢。
恒指今朝完U後同步天文台發出三號強風訊號，並預計今日日間大部分時間維持，所以唔好諗住米娜可以為你帶來兩個鐘嘅早放(夜間工友另計)。
指數今朝升38點開市，不過作戰室今朝唔選擇順U盤方向，而係等開市之後出高開低走追淡倉。依家9點42分，指數一度跌過百點，作戰室第一注爬格仔嘅都收得工。
明白到唔係個個都可以時時刻刻開住個電腦對住個走勢圖或者作戰室嘅gp睇市，所以喺gp度一早整咗個位係專睇中長線走勢。度過日線圖嘅10線同小時圖嘅50線擺位都係差唔多，而今日出淡倉做Day Trade嘅，都想摻一腳睇呢個位。
仲有5分鐘之後就10點，恒指今日似乎玩燈掣，好彩戰友們爬格仔訓練有素。
聽完天文台最新update之後，望望鐘見10點5分，指數比返綠燈，不過暫時見指數都仲係chok得比較快。
換個小時圖見指數目前仍然處於20/50線之間，Slow STC(14.3)未落到超賣位就作勢轉方向...
連五分鐘圖嘅保歷加通道都變得窄窄的...作戰室依家都只係快速爬格中，不如今日睇氣象圖，唔好睇走勢圖住啦！
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
