今日 10:36
噚日喺Patreon 10點都未夠掟咗條文出嚟，皆因諗住趁《施政報告》開始之前，睇吓有無做到啲部署，於是先揀咗隻港交所(00388)，真心，年年《施政報告》都有佢份。
基於都係一日貨仔，所以揀咗隻全場最高槓桿嘅港交牛(56110)出嚟，借股價仲踩住喺小時圖10線就借線掟貨出去；等到《施政報告》一講到同港交所有關嘅時侯，睇吓佢有咩反應。
接近收上半場市前開始聽到《施政報告》講到啲金融嘢，即係第六章嘅國際金融中心 - 持續強化股票市場(我真係聽住架! 做嘢架嘛~)。不過嗰段時間都真係仲有大約10分鐘完上半場，趕得切收工嘅見食到嗰支「大陽燭」固然開心；趕唔切嘅都唔緊要，因為股價喺之後嘅時間都見高位定住。
恒指噚日真囂張，高位26936點同用周線圖向前Search返2021年7月中嘅下跌裂口頂26971點，只係爭57點。BTW，去得呢個位大家都會睇27000點架啦！
隔晚美聯儲如期減息1/4厘，仲話今年內有多兩次減息機會，美股更係升得靚仔啦，港股今朝都炒高一下見26979點高位，叫做補咗上文嘅裂口之後就喺五分鐘圖上出平頂，指數反方向落，去返26800點見停，作戰室偷淡倉行動亦先收隊，同步準備捉Swing Trade反手。
坦白講以指數嘅小時圖同日線圖+技術分析計，的確係好有觸頂向下嘅走勢出現。但再睇埋今日個牛熊證街貨圖，熊證「街貨為患」，27000至27099點起計上到去27500至27599點多貨到呢~
啱呀! 又到咗技術分析 VS 街貨嘅時間，依家10點6分，指數已經爬上到27000點樓上，作戰室反手好倉部份已經爬完格仔。
恒指牛(57476)，收回價26350點，同現價有逾500點距離好安全，槓桿有約39.5倍，Day Trade夠做。但出好倉嘅條件係要27000點企得穩先好。
如果出文再睇埋之後，27000點牛咗+五分鐘圖開始見Swing的話，恒指熊(59545)，收回價27200點，同現價爭200點好鬼近架，真係用嚟借五分鐘圖Slow STC(14.3)觸頂向下做Swing架咋。
識玩Swing未?!唔識嘅問吓你隔離嗰個啦!
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應瞭解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
