9月12日 10:35
噚日揀咗隻恒指牛出嚟，係借到小時圖中軸出到嘅。呢注好倉守下守下，仲唔覺意守到去下半場補返朝早嗰開市裂口兼爬埋小時圖10線之上。換五分鐘圖捉緊啲嘅話，喺下半場見指數補完個開市裂口無幾耐就反方向穿10線，Slow STC(14.3)兩線亦喺嗰一個位單日計第一次見觸頂向下，隻好倉走得，平均執14格或20.14%先啦。
如果隻好倉揸到今朝嘅話，見到指數今日開市升453點裂口有無手都震?!哈哈~ 唔駛嘅，識得沽貨收返實錢就得啦。
作戰室嘅嘅過夜好倉今朝都大嗌清貨，當然啦，有部分戰室手快到3分鐘之內都可以完成到一買一賣嘅，咁偷一轉好倉亦無妨；但指數高開過後一堆過夜好倉湧玩又有乜可能唔回一回，所以吉倉嘅就推隻淡倉等高開低走。
10點未到上述嘅動作喺作戰室都已經做完晒，提早Happy Friday大家都已無乜所謂。
今朝指數做得咁靚嘅時侯，睥到有隻老散愛股見紅，係呀，就係嗰隻裂咀露牙嘅labubu(09992)，Mini labubu炒燶咗?!我唔知，因為我一隻都無買過(我鍾意高速婆婆多啲)，但見股價都知佢出咗啲事。
日線圖上見噚日股價擺位完低位於條50天線，還好形態上算是出咗「十字星」，連同前日嗰粒陰燭都算叫做「十字胎」嘅。今日隨市造好，50線爬得返上去比返少少信心先。
再睇埋Slow STC(14.3)兩線於超賣位並確認%K線高走於%D線，同時保歷加通道未見有拓闊，即係Swing Trade有條件發動返。
泡特牛(65317)，收回價240元，仲低過100天線，槓桿有約5.7倍比Call好好多，低街貨都係佢另一個賣點。
不過，10點8時再睇多佢一次，個五分鐘圖條Slow STC(14.3)迫到上天花板，都係等佢回返落去超賣位時先至出動比較安全(主要都係縮減要守嘅時間啫)。
作者阿珊，以技術分析專心玩輪證，唔貪心，努力賺取我家肥貓罐罐ฅ^•ﻌ•^ฅ。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他）。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件内有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
