8月18日 10:28
上個星期五(8月15日)無睇到個市，但揀咗隻信達(01801)出嚟，除咗見佢逆市造好醒神之外，小時圖條10線見佢都真心守得住，所以執埋隻信藥牛(65262)出嚟，借小時圖10線企好出動，博再嚟多次「紅底股」。
以Patreon出文時間如常再加多10分鐘作為睇文的話，則於10點15分再睇返個走勢圖，見隻信達股價都仲企喺小時圖嘅10線之上，咁隻(65262)出得啦喎。
講咗呢一注係預咗Hold過夜，因為目標係要股價再上多次見100元。今朝股價開出嚟雖然比咗好長嘅上影線，但到依家9點53分見股價重拾升勢，上到102蚊，同7月30日嘅高位106蚊都係爭4蚊。嗱，如果再持貨落去嘅話，就自己睇返自己嗰注。喺呢度達標就收工啦，一計之下平均都有30格或10.34%，正數OK啦。
今朝返嚟見指數開升23點，喺25300點玩咗半個鐘之後，到依家10點5分見指數都仲係玩緊呢個位，作戰室都只係偷好倉中，換個小時圖10線都未企得穩，邊度敢咁快掟好倉捉方向。
恒指方向未明唔搞住，還好都仲有個業績期Run緊，聽日到小米(01810)派成績表，都真係有一段時間無睇佢啲新聞，所以純以技術析計，小時圖上見股價今日上得埋返中軸，Slow STC(14.3)兩線於中軸位亦有見轉向上，小米牛(64890)，收回價49.5元比日線圖嘅150線仲要低多4毫子，槓桿有約10.9倍，低街貨都係佢只中一個賣點。
咁小時圖借好20線啦喎，數夠數有格仔收當然可以唔駛等聽日出業績啦，但都留意住小時圖向下落緊嚟嗰條100線囉。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。本文章涉及瑞銀以外第三方機構代表之意見，其所發表的言論和觀點僅代表該第三方機構及/或其代表之個人立場，並不代表瑞銀及與瑞銀無關。資訊由瑞銀集團提供，其僅作參考，並不構成買賣建議、邀請、要約或游說。瑞銀為結構性產品的發行商，瑞銀及其成員、其聯屬公司及董事及僱員可能持有本資料所述證券之權益(作為主事人或其他)。結構性產品並無抵押品。如發行人無力償債或違約，投資者可能無法收回部分或全部應收款項。結構性產品價格可急升或急跌，投資者可能會蒙受全盤損失。過往表現並不反映將來表現。牛熊證備強制贖回機制而可能被提早終止，屆時(i)N類牛熊證投資者將不獲發任何金額；而(ii)R類牛熊證之剩餘價值可能為零。投資前應了解及自行評估有關風險，並諮詢專業顧問及查閱上市文件內有關結構性產品的全部詳情。UBS Securities Hong Kong Limited為結構性產品之流通量提供者，亦可能是唯一報價者或巿場參與者。© UBS 2025。 版權所有。
