8月4日 10:33
上個星期五(8月1日)揀咗恒指Put(18025)，揀Put就係貪心博指數向下殺到落到24300至24399點嘅肥牛。
恒指上個星期五收市報24507點，未落到肥牛區，如果隻(18025)唔過夜嘅話，呢一趟都有正數賺幅嘅。(基於呢度Day Trade多，所以月度報告會計以day Trade條數)若然望住10周(如上個星期本欄大題所指)，今朝返嚟見到10周線為24273點，而恒指開市再向落多75點，報24431點，兩者相差160點。
依家9點41分，指數一度向下落到去24372點，將今日首兩層牛證街貨全數收回之後，叫做入到24300至24399點嘅重貨牛。
已經諗住咁近城遑廟，仲唔入去求番支好籤之際，佢就真係向上，10點前都反方向着返綠燈。
「咁奇怪?!反方向走唔打重貨咁仁慈?!」望望鐘依家10點9分，五分鐘圖同小時圖嘅Slow STC(14.3)都真係出咗觸底，而指數轉燈後Keep住上，坦白講我都有少少唔信放過堆重貨牛仲要比緊位佢哋走...所以今朝淡倉喺作戰室一推即見平底中咗伏之後，到依家都只係望住小時圖150/10線位睇佢打唔打得過上去。
如果今朝無走到隻(18025)嘅話，小時圖150/10線借嚟做上方量度線，畢竟先正數落袋保安全。
啱啱睇完天文台個特別天氣提示，時間都嚟到10點19分，暫時恒指有似於24600點前未過線。但如果到你睇完文之後發覺指數於小時數圖再向上破埋150/10線的話，恒指牛(57993)，收回價24200點，同現價有約350點距離，以呢期啲點數計算是進取，所以有約61.4倍槓桿，真係爬格仔專用。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
