7月28日 10:31
上個星期五(7月25日)見條恒指仲唔嗲唔吊嗰時走咗去睇個股，捉咗隻港交所(00388)出嚟，仲揀咗隻港交牛(59857)，Mark住小時圖10線如果有支持嘅話先至出。
少少精神分裂，明明喺作戰室仲度緊玩緊淡倉但又捉隻港交牛，還好佢向下破埋條中軸，對隻牛心如止水，直接Happy Friday！還好作戰室注淡倉係上半場都食飽咗，真.Happy Friday！
今朝返嚟睇個牛熊證街貨圖，見下方牛證有兩層已經儲到上過千張期指街貨，對比之下上方熊證重貨先得嗰840張期指，以指數擺位大約企於牛熊證中間位計，純以街貨計數嘅話，向下殺落去殺牛一啲都唔出奇。
不過，技術分析卻見到小時圖Slow STC(14.3)觸底。10點後指數高走返小時圖10/20線之後Slow STC(14.3)兩線觸底上行更明顯。保歷加通道口雖然收窄，但都叫做將指數推返上保歷加上升通道，
「咁咪即係街貨 VS 技術分析?」的確係，雖然呢啲情況間中就會發生，而且八成都係街貨贏，但望望月曆，過兩日就期結，仲要美股已經行緊業績期，即係港股跟住就到，業績好，港股有望再上。
拉返近少少，早霸王都做緊啦，數住指數上返上個星期五嘅下跌裂口位(25585至25624點)。依家10點17分見指數上到裂口底線位啦，Slow STC(14.3)兩線喺小時圖算叫做做剛剛觸底上無耐。
恒指牛(59831)，收回價25130點，同現價有約500點距離，有約55.5倍槓桿夠做Day Trade，目的係借小時圖Slow STC(14.3)觸底上，睇下補唔補到個裂口。
作戰室已經開始將今朝9點40分出嘅好倉拆做風箏注，所以變相一係注碼要留意，一係等一等五分鐘圖Slow STC(14.3)回一回先至出動。硬追嘅都要25600點企得穩先好。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
