7月25日 10:44
噚日揀咗隻好倉，mark住借五分鐘圖嘅中軸線企好就出動；安全嘅Slow STC(14.3)超賣位出恒指牛行一趟Swing都可以；劍指全層重貨熊(噚日大題有講明架啦！)，所以先至出動隻貼價+高槓桿牛證。呢一注亦無多餘動作，目標為本，全程只需大約半小時，平均就執到份茶餐啦。
恒指愈爬愈高，每朝喺作戰室複習個日線圖時晨早已經得返保歷加頂線一個上方量度線，再向上度上去嘅話，只能借住2021年下半年見過嘅26XXX點出嚟。
呢啲時侯通常我會用個日線圖+Fibonacci嚟畫圖，就會見到之前84XX點推幾次先推到，皆因呢個位正正係0.618所在地，恒指依家上破咗，所以已經前往0.786(約27606點)方向走。
「咁真會見27600點?!」數係咁樣計，到唔到係另一件事，須知道推動一個市上行唔係需要勇氣，係錢；即使人有錢，但都總要比個說法出嚟等佢哋願意掟錢出嚟先至有推動力。
小時圖&日線圖嘅Slow STC(14.3)頂住出超買再超買都好一陣子，今朝見指數向下回一回落去，坦白講都真係一件好事，皆因健康升市嘅走勢通常都係一浪高於一浪咁滾住上，而唔係嘭嘭聲咁大步走，只不過係依家9點42分，指數向下落到25500點附近後做咗浮游生物，未見方向。唔緊要，等。
喺等嘅期間就可以發掘一下其他個股。
路過見到港交所(00388)喺五分鐘圖上有100線接住，換埋個小時圖仲有條10線添，一幅準備上行嘅樣。
10點後見港交所股價都仲守住喺小時圖10線之上，擺位又唔係話太遠，應該可以等得到。
換保歷加通道見整條向上，即指數同Slow STC(14.3)都要行Swing出嚟，咁變相可以先Mark住保歷加頂線同10線之間嘅呢個位啦。
港交牛(59857)，收回價425元，同現價有約20.4元距離，呢個位比中軸線仲要低多4.67元，不過10線一穿都唔好再守，始終要捱返落去中軸再博股價用保歷加上升通道向上運行，咁樣太攰啦。
仲有，今日係Happy Friday，過夜過Weekend朕唔係咁喜歡。所以呢隻(59857)還是隨心好了。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon搜尋「cbbcwar」領取七日免費試用即市作戰教室
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
